پاکستانی قومی اور بین الاقوامی کرکٹر شاداب خان کے ساتھ شادی کی خبروں پر اداکارہ کنزہ ہاشمی کا ردعمل سامنے آگیا۔

کنزہ ہاشمی نے نجی ٹی وی چینل کے ایک شو میں بطور مہمان شرکت کی جہاں انٹرویو کے دوران ان سے میزبان کی جانب سے سوال کیا گیا کہ شاداب خان انسٹاگرام پر صرف ایک مشہور اداکارہ کو فالو کر رہے ہیں اور وہ آپ ہیں، کیا آپ اس بارے میں کچھ کہنا چاہیں گی؟

پہلے تو کنزہ اس بات پر حیران ہوئیں اور پھر کہا کہ اچھا، میں یہ نہیں جانتی ، مجھے نہیں معلوم کہ وہ واقعی مجھے فالو کرتے ہیں۔

جس پر میزبان نے کہا کہ آپ شاداب کو کچھ کہنا چاہیں گی جس پر اداکارہ کنزہ نے کہا کہ بہت شکریہ، اگر مجھے فالو کر رہے ہیں تو ،آپ نے یقینن میرا کام دیکھا ہوگا اور اچھی لگ رہی ہوںگی میں آپ کو۔

واضح رہے کہ ایشیا کپ کے سپر فور مرحلے میں پاکستان نے بھارت کو سنسنی خیز مقابلے کے بعد 5 وکٹوں سے شکست دی تھی جس کے بعد سوشل میڈیا پر کافی میمز بنیں اور کئی مشہور شخصیات بھی اس میچ کو دیکھنے کے آئی تھیں۔

اسی میچ میں پاکستان شوبز انڈسٹری کی مشہور اداکارہ کنزہ ہاشمی بھی اسٹینڈز میں موجود تھیں۔

صارفین نے اداکارہ کو اس میچ میں دیکھا تو سوشل میڈیا پر تبصروں کا سلسلہ شروع ہوگیا۔

کسی صارف نے کہا کہ یہ شاداب خان کو دیکھنے کے لیے آئی تھیں، تو کسی نے کہا کہ یہ شاداب خان سے ملنے کے بہانے اس میچ کو دیکھنے آئی تھیں۔