حریم شاہ ایک مشہور پاکستانی ٹک ٹاکر ہیں جنہوں نے حال ہی میں بلال شاہ سے شادی کی ہے۔ یہ جوڑا بیرون ملک رہتا ہے اور اکثر پاکستان آتا رہتا ہے۔

اس وقت حریم شاہ نے سوشل میڈیا پر لوگوں کی منفی سوچ کے باعث خود کو سوشل میڈیا اور تنازعات سے دور کر رکھا ہے۔

وہ حال ہی میں نادر علی کے پوڈ کاسٹ میں نظر آئیں جس میں انہوں نے سوشل میڈیا کی منفیت کے باعث جان کی بازی ہارنے والے ڈاکٹر عامر لیاقت حسین کے بارے میں بات کرتے ہوئے حریم کا کہنا تھا کہ ‘لوگوں میں بہت زیادہ منفی سوچ ہے، میں ٹرولنگ پر توجہ نہیں دیتی کیونکہ لوگ بہت زیادہ ٹرول کرتے ہیں، جس کی وجہ سے میں ٹرول پر دھیان نہیں دیتی، کیونکہ میں نے بہت سے میڈیا پرسنز کو دیکھا ہے جو ٹرول ہونے کے بعد جان سے ہاتھ دھو بیٹھے ہیں۔

انہوں نے کہا کہ حال ہی میں، میں نے عامر لیاقت حسین کو دیکھا کہ وہ آپ کے شو میں آئے اور بہت خوش نظر آرہے تھے۔

حریم شاہ نے کہا کہ میں نے اپنے شوہر کے ساتھ بھی اس بارے میں بات کی لیکن جلد ہی میں نے عامر لیاقت کی موت کی خبر سنی۔

حریم شاہ نے نادر علی سے پوچھا کہ کیا آپ کو نہیں لگتا کہ وہ ٹرولنگ کی وجہ سے مر گئے؟ ہم عوام کی ٹرولنگ کو نظر انداز کر سکتے ہیں لیکن ہم کسی ایسے شخص کی ٹرولنگ برداشت نہیں کر سکتے جو ہم سے قریب ہو جیسے بیوی یا شوہر مثلاً اگر میرا شوہر مجھے ٹرول کرے گا یا میری عریاں پھیلائے گا تو میں بکھر جاؤں گی اور یہ چیزیں اس شخص کا اعتماد توڑ دیتی ہیں اور انسان اندر سے ٹوٹ جاتا ہے۔