شہناز گِل کے والد کو جان سے مارنے کی دھمکیاں ملنے لگیں

ویب ڈیسک

09th Oct, 2022. 04:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہناز گِل کے والد کو جان سے مارنے کی دھمکیاں ملنے لگیں

بھارتی اداکارہ اور بگ باس سیزن 13 کی امیدوار شہناز گِل کے والد سنتوش سنگھ سوکھی گِل کو جان سے مارنے کی دھمکیاں مل رہی ہیں۔

بھارتی میڈیا رپورٹس کے مطابق شہناز گل کے والد کو ٹیلی فون پر قتل کی دھمکیاں دی گئیں جبکہ دھمکیاں دینے والے کی شناخت اب تک سامنے نہیں آسکی ہے۔

شہناز گل کے والد نے ایس ایس پی امرتسر پولیس کے پاس درخواست جمع کروائی ہے جس میں انہوں نے مؤقف اپنایا کہ انہیں مسلسل دھمکی آمیز فون کالز موصول ہو رہی ہیں۔

انہوں نے بتایا کہ دھمکی دینے والا شخص اپنا نام ہیپی بتا رہا ہے اور یہ دھمکی دے رہا ہے کہ وہ مجھے دیوالی سے قبل قتل کر دے گا۔

میڈیا سے بات چیت کرتے ہوئے سنتوش سنگھ سوکھی گِل کا کہنا تھا کہ وہ متعدد ہندو اداروں کے ساتھ منسلک ہیں اور ممکنہ طور پر اسی وجہ سے انہیں قتل کی دھمکیاں مل رہی ہیں۔

انہوں نے کہا کہ اگر ایسا نہیں ہوتا تو وہ جلد ہی ریاست پنجاب چھوڑ کر کہیں اور چلے جائیں گے۔

واضح رہے کہ اس سے قبل دسمبر 2021 میں بھی شہناز کے والد پر دو افراد نے قاتلہ حملہ کیا تھا جس میں وہ بال بال بچ گئے تھے۔