معروف اداکارہ و ماڈل ایمان علی نے فواد خان اور ماہرہ خان سے متعلق اپنے متنازع بیان پر وضاحت دے دی۔

حال ہی میں انہوں نے ایک ویب شو کو انٹرویو دیتے ہوئے کہا کہ میرا مقصد ماہرہ خان اور فواد خان کی بے عزتی کرنا نہیں تھا۔

اداکارہ کا کہنا تھا کہ اس شو کے دوران مجھ سے سوال کیا گیا کہ اگر یہ تمام لوگ اداکار نہ ہوتے تو پھر زندگی کے کس شعبے سے منسلک ہوتے تو میں نے اس سوال پر صرف اپنی رائے دی تھی کہ مجھے وہ لوگ اپنی شخصیت کے حساب سے کس شعبہ زندگی کے لیے بہتر لگتے ہیں۔

یاد رہے کہ ایمان علی نے ایک شو کے دوران پوچھے گئے سوالات کے جواب دیتے ہوئے کہا تھا کہ ہمایوں سعید بظاہر اپنے پنجابی انداز سے دودھ یا دہی بیچنے والے لگتے ہیں جبکہ ماہرہ خان کے بارے میں کہا کہ وہ ایک بہت اچھی ویڈیو جوکی تھیں، اس لیے انہیں ویڈیو جوکی ہی رہنا چاہیئے تھا جبکہ فواد خان کبھی اچھے اسٹینڈ اپ کامیڈین نہیں بن سکتے۔

اس سے قبل اداکارہ ایمان علی نے انکشاف کیا تھا کہ وہ اپنے شوہر سے زیادہ امیر ہیں۔

اداکارہ نے اپنی فلم ٹچ بٹن کی تشہیر کے دوران ایک انٹرویو دیا جس میں انہوں نے اپنی غربت، جدوجہد اور امیر ہونے کے بارے میں انکشاف کیا۔

اداکارہ ایمان نے بتایا کہ میں نے غربت دیکھی ہے،میں استعمال شدہ کپڑے پہن کر بڑی ہوئی ہوں، میں نے اپنی شادی کا خرچ خود اٹھایا، مجھے یاد نہیں کہ میں نے عید کے نئے کپڑے کبھی سلائے تھے،ان سب کے باوجود محنت جاری رکھی اور پیسے بچانے کے سمجھدار طریقے تلاش کیے۔

انہوں نے دورانِ انٹرویو انکشاف کیا کہ میں اپنے شوہر بابر سے زیادہ امیر ہوں،اور یہ ایک حقیقت ہے، میں نے اپنی کمائی ہوئی ایک ایک پائی بچائی اور پھر اسے جائیداد خریدنے میں استعمال کیا، میں نے پلاٹ اور گھر خریدے اور یہاں تک کہ بابر کو یہ چیز پسند ہے اور وہ تسلیم کرتا ہے کہ میں اس سے زیادہ امیر ہوں۔

یاد رہے کہ ایمان علی نے ماہِ میر، بول، خدا کے لیے اور کئی فلموں میں اپنی اداکاری کے جوہر دکھائے ہیں۔