بالی ووڈ فلم انڈسٹری کی مشہور جوڑی عالیہ بھٹ اور رنبیر کپور کے گھر بیٹی کی پیدائش ہوئی ہے جس پر شوبز شخصیات کی جانب سے اُن کی بیٹی کو قیمتی تحائف دیے گئے۔

رنبیر کپور کی والدہ نیتو سنگھ نے اپنی بہو عالیہ بھٹ کو کروڑوں کا ہیروں کا ہار دیا۔

مشہور پروڈیوسر اور ڈائریکٹر کرن جوہر جو عالیہ بھٹ کو اپنی بیٹی کہتے ہیں، انہوں نے 10 کروڑ کا ممبئی میں خوبصورت سا فلیٹ عالیہ اور رنبیر کو تحفے میں دیا، اس فلیٹ میں 2 کمرے ہیں۔

مادھوری نے عالیہ کی حاملہ ہونے کی خبر سنتے ہی نیک تمنائیں اور بھگوان کی چھوٹی سی مورتی تحفتاً دی۔

اداکارہ کرینہ کپور جو عالیہ کی رشتے میں نند بھی لگتی ہیں انہوں نے عالیہ کو گچی کا مہنگا ترین ہینڈ بیگ دیا جس کی قیمت بھارتی 2 لاکھ روپے تھی جبکہ عالیہ کے والد مہیش بھٹ نے اس موقع پر 80 لاکھ کا سونے کا سیٹ دیا۔

سلمان خان نے اپنی منہ بولی بہن عالیہ کی بیٹی کو خاص طور پر کیلیفورنیا سے آرگینگ اجزاء سے بنے بچوں کی ضروری اشیاء اور کھلونے منگوا کر دیے۔

اداکار ورون دھون نے اس موقع پر ہیرے کی انگوٹھی اور شاہ رخ خان نے خوبصورت سونے کی چین تحفے میں دی۔

واضح رہے کہ عالیہ بھٹ اور رنبیر کپور رواں سال اپریل میں شادی کے بندھن میں بندھے تھے جبکہ رواں برس جون میں جوڑے نے بچے کی متوقع آمد کا اعلان کیا تھا۔