نورا فتیحی نے معروف بھارتی اداکار کو تھپڑ جڑ دیا

ویب ڈیسک

25th Nov, 2022. 02:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نورا فتیحی نے معروف بھارتی اداکار کو تھپڑ جڑ دیا

کینیڈین نژاد بھارتی اداکارہ و ڈانسر نورا فتیحی نے انکشاف کیا ہے کہ انہوں نے فلم کی شوٹنگ کے دوران ساتھی اداکار کو تھپڑ جڑ دیا تھا۔

نورا فتیحی نے حال ہی میں دی کپل شرما شو میں اداکار ایوشمان اور جیدیپ اہلواوٹ کے ساتھ فلم ‘این ایکشن ہیرو’ کی پروموشن کے لیے شرکت کی۔

میزبان کی جانب سے سوال کیا گیا کہ فلم کی عکسبندی کے دوران کبھی سیٹ پر کوئی ناگوار واقعہ پیش آیا ہے؟

جواب میں نورا نے اپنے ساتھ پیش آئے واقعے سے متعلق انکشاف کیا کہ میری پہلی فلم کی شوٹنگ بنگلادیش کے جنگلات میں ہورہی تھی کہ ایک ساتھی اداکار نے میرے ساتھ بدتمیزی کی جس پر میں نے اسے تھپڑ ماردیا، تو اس نے بھی میرے منہ پر تھپڑ مارا۔

انہوں نے بتایا کہ میں نے اسے دوبارہ تھپڑ مارا جس کے جواب میں وہ میرے بال کھینچنے لگا،اور ہماری اچھی خاصی لڑائی ہوگئی،جس کے بعد فلم کے ڈائریکٹر نے آکر بیچ بچاؤ کروایا۔

یاد رہے کہ نورا فتیحی کی پہلی فلم رور میں بگ باس سیزن 14 کے اداکار ابھینوو شکلا، آرن چوہدری اور سبراتا دتا شامل تھے۔