یاسر حسین اقراء عزیز کے ڈرامے کیوں نہیں دیکھتے؟ اداکار نے بتادیا

ویب ڈیسک

21st Nov, 2022. 08:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یاسر حسین اقراء عزیز کے ڈرامے کیوں نہیں دیکھتے؟ اداکار نے بتادیا

یاسر حسین ایک ٹیلنٹڈ پاکستانی میزبان اور اداکار ہیں اور اب اداکار اپنے پہلے ڈرامے کوئل کے ساتھ ہدایت کاری کے میدان میں قدم رکھ چکے ہیں۔

انہوں نے ڈرامہ ’ایک تھی لیلیٰ‘ میں ہدایت کاری کی ہے جس میں ان کی اہلیہ اقرا عزیز سمیت شاندار کاسٹ ہے۔

حال ہی میں، یاسر حسین نے اپنے ایک انٹرویو میں اپنی اہلیہ کے کسی بھی ڈرامے کو نا دیکھنے کے بارے میں کھل کر کہا ہے۔

میزبان نے یاسر حسین سے پوچھا کہ’’کیا آپ اقراء عزیز کے ڈرامے نہیں دیکھتے؟‘‘ جس کے جواب میں انہوں نے کہا کہ میں ٹیلی ویژن پر ایک بھی ڈرامہ نہیں دیکھتا، میں کسی کے ڈرامے نہیں دیکھتا۔

انہوں نے کہا کہ میں لمبی بین الاقوامی سیریز بھی نہیں دیکھتا، درحقیقت مجھے طویل دورانیے کے شوز پسند نہیں ہیں۔

یاسر حسین نے مزید کہا کہ میرے خیال میں ڈراموں میں بہت وقت لگتا ہے اور میں اتنے لمبے سیریل نہیں دیکھ سکتا۔