بالی ووڈ اداکار ابھیشیک بچن اور اداکارہ کرشمہ کپور کی منگنی ٹوٹنے کی وجہ 20 سال بعد سامنے آ گئی ہے۔

معروف فلم ساز سُنیل درشن نے دونوں اداکاروں کی منگنی کی تصدیق  اور پھر علیحدگی کی وجہ بتائی ہے ۔

 بھارتی میڈیا کے مطابق 2000 کی دہائی میں یہ خبریں سرگرم تھیں کہ یہ جوڑی جلد رشتہ ازدواج میں منسلک ہوجائے گی، تاہم ایسا نہیں ہوا اور اب تقریباً 22 سال بعد سُنیل درشن نے اس بات کی تصدیق کرتے ہوئے علیحدگی کی وجہ بتادی۔

 سنیل درشن نے 2002 میں فلم ہاں میں نے بھی پیار کیا ہے کو پروڈیوس کیا تھا، جس میں کرشمہ کپور، ابھیشیک بچن اور اکشے کمار نے مرکزی کردار نبھایا تھا۔

حالیہ انٹرویو میں معروف فلم شاز نے بتایا کہ کرشمہ اور ابھیشیک نے 5 سال تک ایک دوسرے کو ڈیٹ کیا، اور ان کی منگنی بھی ہوئی کیونکہ میں نے خود شرکت کی تھی۔

انہوں نے بتایا کہ فلم ہاں میں نے بھی پیار کیا ہے کی شوٹنگ کے وقت میں سیٹ پر ہوا کرتا تھا، اور دونوں سیٹ پر چھوٹی چھوٹی باتوں پر لڑنا جھگڑنا شروع کردیتے تھے اور پھر ان کی لڑائی کافی بڑی ہوجاتی تھی۔

سنیل درشن کا کہنا تھا کہ منگنی کے بعد ان کی شادی ہونے کے قریب تھی لیکن فلم ہاں میں نے بھی پیار کیا ہے کی ریلیز کے بعد دونوں میں علیحدگی ہوگئی۔

یاد رہے کہ ابھیشیک بچن کی ایشوریا رائے سے 2007 میں شادی ہوئی اور دونوں کی ایک بیٹی ہے جبکہ کرشمہ کپور کی شادی 2003 میں ایک بزنس مین سنجے کپور سے ہوئی تھی جو کہ 2016 میں ٹوٹ گئی، کرشمہ کی ایک بیٹی اور ایک بیٹا ہے۔