کرس راک کو تھپڑ مارنے کے واقعے نے نجی زندگی کو شدید متاثر کیا، ول اسمتھ

ویب ڈیسک

30th Nov, 2022. 03:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کرس راک کو تھپڑ مارنے کے واقعے نے نجی زندگی کو شدید متاثر کیا، ول اسمتھ

ہالی ووڈ کے معروف اداکار ول اسمتھ کا کہنا ہے کہ رواں برس آسکرز ایوارڈ تقریب کے دوران کرس راک کو تھپڑ مارنے کے واقعے نے نجی زندگی کو شدید متاثر کیا ہے۔

ول اسمتھ نے ایک شو کے دوران گفتگو کرتے ہوئے اس واقعے کو آسکرز 2022 کی خوفناک رات قرار دیا۔

اداکار کا کہنا تھا کہ میرے 9 برس کے بھتیجے نے مجھ سے پوچھا کہ میں نے تھپڑ کیوں مارا؟

انہوں نے کہا کہ کرس راک نے اس رات جو بھی کہا یا مذاق اڑایا، لیکن مجھے ایسا نہیں کرنا چاہیے تھا، میں اپنے غصے پر قابو نہیں رکھ سکا تھا۔

یاد رہے کہ 27 مارچ کو ڈولبی تھیٹر ہالی ووڈ کیلیفورنیا میں ہونے والی 94ویں اکیڈمی ایوارڈ تقریب کے دوران ول اسمتھ نے اسٹیج پر ہوسٹنگ کرنے والے کرس راک کو تھپڑ مار دیا تھا۔

راک نے ول اسمتھ کی اہلیہ کے سر کے بال گرنے کے حوالے سے چند تمسخرانا جملے کہے تھے، جس کے بعد وہ اپنے غصے پر قابو نہیں رکھ سکے، بعد ازاں اکیڈمی نے ان پر پابندی لگادی تھی۔