بھارتی ٹی وی کی اداکارہ و ماڈل عرفی جاوید نے کپڑوں پر تنقید کرنے والے معروف مصنف چیتن بھگت کی واٹس ایپ چیٹ لیک کی تھی جس پر چیتن بھگت کا ردِ عمل سامنے آگیا ہے۔

گزشتہ روز عرفی جاوید کی جانب سے مصنف چیتن بھگت کی مبینہ واٹس ایپ چیٹ لیک کرتے ہوئے انہیں تنقید کا نشانہ بنایا تھا اور کہا تھا جب اپنے سے آدھی عمر کی لڑکیوں کو میسج کر رہے تھے تو ان لڑکیوں کے کپڑوں نے آپ کو بھڑکایا تھا؟ ریپ کلچر کو بڑھاوا دینا بند کر دو، تم جیسے لوگ نوجوانوں کو بھڑکا رہے ہیں۔

اداکارہ نے ماضی میں ’می ٹو‘ مہم کے دوران بھارتی مصنف کی لیک ہونے والی واٹس ایپ چیٹ ایک بار پھر شیئر کردی۔

یہ بھی پڑھیں: عرفی جاوید نے تنقید کرنیوالے مصنف کی واٹس ایپ چیٹ لیک کردی

اب اس معاملے پر مصنف چیتن بھگت نے بھی سوشل میڈیا پر ایک پیغام جاری کیا ہے جس میں انہوں نے لیک ہونے والی چیٹ سے لا تعلقی کا اظہار کرتے ہوئے کہا کہ جس لڑکی سے بات چیت کا کہا جا رہا ہے میں نے کبھی اس نے بات نہیں کی، یہ ایک جھوٹ اور ایک نان ایشو ہے۔

Have never spoken to/chatted with/met/ known someone where it’s being spread that I have done so. It’s fake. a lie.also a Non issue.Haven’t criticised anyone.And I also think there’s nothing wrong in telling people to stop wasting time on Instagram and focus on fitness and career

— Chetan Bhagat (@chetan_bhagat) November 27, 2022

چیتن بھگت کا مزید کہنا تھا میں نے کبھی کسی کو تنقید کا نشانہ نہیں بنایا لیکن میں سمجھتا ہوں کہ لوگوں کو یہ بتانے میں کوئی مضائقہ نہیں کہ انسٹا گرام پر اپنا وقت ضائع مت کریں، اپنی فٹنس اور کیرئیر پر توجہ دیں۔