پاکستان تحریک انصاف (پی ٹی آئی) کے چیئرمین اور سابق وزیر اعظم عمران خان پر قاتلانہ حملے پر شوبز شخصیات کا ردِعمل سامنے آ گیا ہے۔

پاکستان شوبز انڈسٹری کے سینیئر اداکار عدنان صدیقی نے فائرنگ کے واقعے کو افسوسناک قرار دیتے ہوئے زخمی ہونے والے افراد کی جلد صحت یابی کی دعا کی۔

عدنان صدیقی نے کہا کہ اللہ عمران خان کو سلامت رکھے۔

Shocked beyond words…May Allah keep @ImranKhanPTI and others safe. Praying for speedy recovery of everyone who’s got injured in this violence.

Advertisement

— Adnan Siddiqui (@adnanactor) November 3, 2022

سینیئر اداکار شان شاہد نے عمران خان کی تصویر شیئر کرتے ہوئے ان کی سلامتی کے لیے دعا کی اور ساتھ ہی لکھا کہ خدا ان کا مددگار ہوگا۔

🇵🇰♥️💯🤲🏻may ALLAH be with you 🙏🏼 pic.twitter.com/iGtOkX8ieP

— Shaan Shahid (@mshaanshahid) November 3, 2022

اداکار عثمان خالد بٹ نے بھی واقعے کی مذمت کرتے ہوئے عمران خان اور فیصل جاوید خان سمیت دیگر کی سلامتی کے لیے دعائیں کیں۔

انہوں نے مزید لکھا کہ اس طرح کے واقعات ملک کو انارکی کی طرف دھکیل رہے ہیں۔

Prayers with Imran Khan, Faisal Javed and the entire PTI convoy.
Had the worst happened (Nauzubillah), this country would have gone into a state of anarchy.

Advertisement

— Osman Khalid Butt (@aClockworkObi) November 3, 2022

واضح رہے کہ وزیرآباد میں لانگ مارچ کے آغاز پر پاکستان تحریک انصاف کے چیئرمین عمران خان کے کنٹینر کے قریب فائرنگ کا واقعہ پیش آیا ہے جس میں وہ زخمی ہوگئے ہیں۔

ابتدائی اطلاعات کے مطابق فائرنگ کے اس واقعے کو عمران خان پر قاتلانہ حملہ قرار دیا گیا ہے جس میں فیصل جاوید بھی شدید زخمی ہوئے ہیں۔

علاوہ ازیں 4 افراد کے زخمی ہونے کی اطلاعات ہیں۔

ذرائع نے بتایا ہے کہ فائرنگ کے باعث عمران خان کی ٹانگ پر گولی لگی ہے جس کے باعث وہ معمولی زخمی ہوئے ہیں۔