بالی ووڈ کی مشہور و معروف اداکارہ کترینہ کیف نے اداکار رنبیر کپور سے متعلق اہم انکشاف کردیا ہے۔

ماضی میں اپنے دیے گئے ایک انٹرویو میں اداکارہ کترینہ کیف کا رنبیر کپور سے متعلق کہنا تھا کہ میرا سب سے بڑا خوف یہ ہے کہ جب میں شادی کروں گی اور منڈپ میں رنبیر کپور کے ساتھ کھڑی ہوں گی تو اسکے ساتھ ہونے کے باوجود بھی وہ مجھ سے مکمل محبت نہیں کر سکے گا۔

ان کا کہنا تھا کہ ان کو یہ بھی خوف تھا کہ ہو سکتا ہے کہ رنبیر ان سے شادی صرف ایک وعدہ نبھانے کے لیے کر رہا ہو اور اس کا دل اس فیصلے سے مطمئين نہ ہو، اسی خوف کی وجہ سے وہ محبت کے باوجود رنبیر کپور سے شادی کے بندھن میں نہ بندھ سکیں۔

اداکارہ نے بتایا تھا کہ ان کے اور رنبیر کپور کے تعلق میں رنبیر کے خاندان کی رضامندی شامل نہ تھی۔

انہوں نے کہا تھا کہ وہ اور رنبیر کپور کا خاندان ایک دوسرے کو قبول نہ کر سکا، وہ ان کے خاندان ساتھ زيادہ سے زيادہ وقت گزارنا چاہتی تھیں لیکن ایسا ہو نہ سکا۔

ان کا کہنا تھا کہ شادی کے فیصلے کو کرنے میں ان کے نزدیک خاندان کی اہمیت سب سے زيادہ تھی اور ان کا یہ ماننا تھا کہ اگر ان کا شریک حیات ان کو محبت اور عزت دے تو وہ اس کو اور اس کے خاندان والوں کو بھی وہ سب کچھ دے سکیں جو ان کا حق ہے۔

واضح رہے کہ 6 سال تک ایک دوسرے کے ساتھ رہنے کے باوجود اور شادی کے لیے منگنی جیسے بندھن میں ہونے کے باوجود بالی ووڈ کا یہ جوڑا ایک دوسرے کا نہ ہوسکا مگر اس کے باوجود آج بھی یہ دونوں ایک دوسرے کے اچھے دوست ہیں۔