بالی ووڈ سپر اسٹار شاہ رخ کی نئی آنے والی فلم ’پٹھان‘ کے گانے ’بے شرم رنگ‘ پر جہاں بھارت میں تنازع چل رہا ہے وہیں یہ باتیں بھی ہورہی ہیں کہ یہ گانا فرانسیسی گلوکارہ کے گانے کی کاپی ہے ۔

آج پاکستان کے معروف گلوکار سجاد علی نے اپنے ٹوئٹر اکاؤنٹ پر ایک گانے کی ویڈیو شیئر کرتے ہوئے لکھا کہ میں نئی فلم کا میوزک سن رہا تھا تو مجھے اپنا 26 سال پرانا گایا ہوا گانا یاد آگیا، وہ آپ کو بھی سناتا ہوں۔

ویڈیو میں سجاد علی نے اپنا مشہور گانا ’اب کے ہم بچھڑے تو شاید کبھی خوابوں میں ملیں‘ اپنی آواز میں گایا۔

After listening to a new movie’s song, It reminded me of my song I released 26 years ago, Ab Ke Hum Bichare. Enjoy!! pic.twitter.com/X86Jw34R8k

Advertisement

— Sajjad Ali (@sajjad_official) December 26, 2022

سجاد علی نے اپنی پوسٹ میں گانے کا ذکر تو نہیں کیا لیکن سوشل میڈیا صارفین کا کہنا ہے کہ شاہ رخ خان کی فلم’پٹھان’ کے گانے ’بے شرم رنگ‘ کا میوزِک سجاد علی کے 26 سال پرانے اس گانے ’اب کے ہم بچھڑے‘کے میوزِک سے بہت ملتا جلتا ہے۔

یہ بھی پڑھیں: بدترین لوڈ شیڈنگ پر گلوکار سجاد علی نے گانا بنا دیا

یہ گانا سجاد علی کی 1996 میں ریلیز کی گئی البم موڈی کا حصہ تھا جبکہ اس سے قبل اس غزل کو نور جہاں اور مہدی حسن سمیت کئی گلوکاروں نے گایا ہے۔

ابتداء میں سوشل میڈیا صارفین میں سے کچھ کا دعویٰ تھا کہ فلم پٹھان کا گانا مشہور فرانسیسی گلوکارہ اور نغمہ نگار جین کے سُپر ہٹ گانے مکیبا کی نقالی ہے۔

T :- 6

Forget about Ismail Abbas Qawwal for stealing the lines "Hume toh loot liya milke ______ Walon ne" Bollywood (Pathaan) even inspired this French Singer Jain to steal song BGM for Makeba in 2016….#BesharamRang @GemsOfBollywood pic.twitter.com/VcmvGFKJIq

— Tejas Rameshrao Tirukhe (@tejastirukhe) December 12, 2022

فلم پٹھان کے گانے بے شرم رنگ کو دو ہفتے قبل ریلیز کیا گیا تھا جسے اب تک یوٹیوب پر 13 کروڑ 49 لاکھ سے زائد بار دیکھا جاچکا ہے۔

واضح رہے کہ فلم پٹھان 25 جنوری 2023 کو سنیما گھروں کی زینت بنے گی اور فلم میں شاہ رخ خان، جان ابراہم اور دپیکا پڈوکون نے مرکزی کردار ادا کیا ہے۔