بالی ووڈ فلم انڈسٹری کی معروف اور سینئر اداکارہ جیا بچن نے کہا ہے کہ اگر میں میڈیا کی ہر خبر کو اہمیت دوں تو میری زندگی جہنم بن جائے گی۔

ماضی میں اپنے دیے گئے ایک انٹرویو میں جیا بچن سے بالی ووڈ اداکارہ ریکھا اور امیتابھ کے تعلقات کے بارے میں پوچھا گیا تھا تو ان کا کہنا تھا کہ اگر میں میڈیا کی ہر خبر کو اہمیت دوں تو اس طرح تو میری زندگی جہنم بن جائے گی۔

یہ بھی پڑھیں: جیا بچن نے امیتابھ بچن کی جانب سے شادی کیلئے رکھی گئی شرائط کا انکشاف کردیا

ریکھا اور جیا بچن دونوں بالی ووڈ کی مشہور ترین اور سینئر اداکارائیں ہیں تاہم ان دونوں کے درمیان ایک چیز کافی مماثلت رکھتی ہے اور وہ ہے امیتابھ بچن۔

ریکھا اور امیتابھ کی قربتوں سے جیا بچن کافی غیر محفوظ محسوس کرتی تھیں یہی وجہ تھی کہ جیا بچن ہر موقع پر امیتابھ بچن کو ریکھا کے قریب بھی نہیں بھٹکنے دیتی تھیں۔

جبکہ اس کے برعکس ریکھا کا کہنا تھا کہ امیتابھ بچن نے جیا سے شادی کر کے ایک بہترین مرد ہونے کا ثبوت دیا ہے۔

یہ بھی پڑھیں: جیا بچن کے انکشاف پر امیتابھ بچن جذباتی ہوگئے

ریکھا کا کہنا تھا کہ فلم “مقدر کا سکندر” میں میری اور امیتابھ کی جوڑی نے جیا بچن کو رونے پر مجبور کر دیا تھا اسی وجہ سے امیتابھ نے مجھ سے دوری اختیار کی۔

انہوں نے کہا کہ بچن فیملی جب مقدر کا سکندر فلم کا ٹرائل شو دیکھنے کے لیے آئی تو میں پروجیکشن روم سے انہیں دیکھ رہی تھی، رومانوی سین کے دوران جیا بچن کی آںکھوں سے آنسو بہہ رہے تھے، وہ برداشت نہیں کر پا رہی تھی۔ انہیں میری اور امیتابھ کی کیمسٹری اچھی نہیں لگی تھی۔

واضح رہے کہ جیا بچن اور ریکھا کے درمیان ناراضگی کی بڑی وجہ امیتابھ بچن ہیں کیونکہ دونوں امیتابھ بچن کو چاہتی ہیں

یہ بھی پڑھیں: امیتابھ بچن کی بیوی جیا بچن کتنے برس کی ہوگئیں؟