بھارت کے معروف اداکار سنیل شیٹی کا کہنا ہے کہ اکشے اور اجے دیوگن نے مجھے کافی انسپائر کیا ہے۔

حال ہی میں بالی ووڈ کے سینئر اور معروف اداکار سنیل شیٹی سے انٹرویو میں سوال کیا گیا کہ کیا آپ اکشے کی کامیابی کو دیکھ کر خود کو غیر محفوظ نہیں سمجھتے؟

جس کے جواب میں انہوں نے کہا کہ ایسی چیزوں کو میں دل پر نہیں لیتا، میری اپنی ایک دنیا ہے جو بہت خوبصورت ہے، میں ان لوگوں میں سے ہوں جو ہمیشہ اور ہر حال میں خوش اور مطمئن رہتے ہیں۔

انہوں نے کہا کہ میں غیر محفوظ نہیں، اکشے اور اجے دیوگن نے مجھے کافی انسپائر کیا، ایسا صرف موویز میں نہیں بلکہ فوکس رہنے پر بھی متاثر کیا اور یقیناً زیادہ توجہ دینے سے آپ کچھ بھی حاصل کرسکتے ہیں۔

   سنیل شیٹی نے کہا کہ غالباً میں اپنے کام کے حوالے سے زیادہ فوکس نہیں تھا اور اسکرپٹس پر زیادہ توجہ نہیں دیتا یا پھر میرا یقین یہ ہے کہ میں زندگی سے بڑھ کر ہوں، جو بہر حال غلط ہے۔

واضح رہے کہ سنیل شیٹی اور اکشے کمار نے اپنے بالی ووڈ کیریئر کا آغاز ایک ساتھ کیا تھا اور اب تک دونوں نے کئی فلموں میں ایک ساتھ اداکاری کے جوہر دکھائے۔

لیکن دونوں کے کیریئر گراف ایک جیسے نہیں ہیں کیونکہ اکشے اس سفر میں سنیل شیٹی سے کافی آگے نکل گئے۔