بھارت کے معروف اداکار  شاہ رخ خان  نے مداحوں سے ہمیشہ صرف 15 منٹ ہی بات کرنے کی وجہ بتادی ہے۔

حال ہی میں بالی ووڈ کنگ شاہ رخ خان نے سماجی رابطے کی ویب سائٹ ٹوئٹر پر اپنے مداحوں کے ساتھ گفتگو کرنے کے لیے 15 منٹ کا ایک سیشن رکھا۔

 سیشن میں مداحوں نے ان سے اپنی پسند کے سوالات کیے جن کے شاہ رخ خان نے دلچسپ انداز میں جوابات دیے۔

Because everyone needs 15 minutes for fame… https://t.co/mekuobWTnH

Advertisement

— Shah Rukh Khan (@iamsrk) December 17, 2022

مزید پڑھیں: فلم ’پٹھان‘  کیلئے شاہ رخ خان نے کتنے سال سخت ورزش کی؟

   ایک مداح نے سوال کیا کہ آپ اپنے مداحوں سے ہمیشہ صرف 15 منٹ ہی کیوں بات کرتے ہیں؟

جس کے جواب میں اداکار شاہ رخ خان نے کہا کہ’کیونکہ سب کو مشہور ہونے کے لیے 15 منٹ کی ضرورت ہوتی ہے‘۔

اس سے قبل بھارتی شہر کلکتہ میں ایک فلم فیسٹیول کے دوران خطاب کرتے ہوئے شاہ رخ خان کا کہنا تھا کہ کچھ دنوں سے ہم لوگ یہاں پر نہیں آئے ہیں، آپ لوگوں سے مخاطب نہیں ہوپائے ہیں، آپ لوگوں سے مل نہیں پائے ہیں لیکن اب دنیا نارمل ہوگئی ہے۔

مزید پڑھیں:  شاہ رخ خان کی فلم ’پٹھان‘ میں جان ابراہم کس نئے لُک میں نظر آئینگے؟ ٹیزر جاری

  ان کا کہنا تھا کہ ہم سب خوش ہیں ، میں سب سے زیادہ خوش ہوں اور یہ بات بتانے میں مجھے کوئی دقت نہیں ہے کہ دنیا  کچھ بھی کرلے ، میں  اور آپ لوگ اور جتنے بھی مثبت لوگ ہیں سب کے سب ’زندہ‘ ہیں۔