آسکر ایوارڈ یافتہ فلم کی معروف اداکارہ گرفتار

ویب ڈیسک

19th Dec, 2022. 04:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آسکر ایوارڈ یافتہ فلم کی معروف اداکارہ گرفتار

آسکر ایوارڈ یافتہ فلم کی معروف اداکارہ ترانہ علی دوستی کو ایران کی حکومت نے گرفتار کرلیا۔

رپورٹس کے مطابق ایرانی حکومت نے معروف اداکارہ کو غلط معلومات اور افراتفری کو ہوا دینے کے الزام میں گرفتار کیا ہے۔

یاد رہے کہ اداکارہ ترانہ علی نے ملک میں جاری مظاہروں کی حمایت کی تھی اور سوشل میڈیا پر بغیر اسکارف کے تصویر پوسٹ کرکے احتجاج کیا تھا۔

اداکارہ نے 8 دسمبر کو بھی انسٹاگرام پر ایک پوسٹ کی اور اسی دن احتجاج میں شریک نوجوان کو پھانسی دی گئی تھی تاہم اب ان کا انسٹاگرام اکاؤنٹ بھی ڈیلیٹ کردیا گیا ہے۔

یہ بھی پڑھیں: ایرانی اداکارہ نے بغیر اسکارف اپنی تصویر شیئر کردی

واضح رہے کہ ایران میں حجاب کے معاملے پر زیر حراست لڑکی مہسا امینی کی موت کے خلاف ستمبر سے مظاہرے جاری ہیں۔

مظاہروں کے آغاز کے بعد اب تک کم از کم 14 ہزار کو گرفتار کیا گیا ہے جبکہ 63 بچوں سمیت کم از کم 458 افراد ہلاک ہو چکے ہیں۔

ایرانی حکومت کی جانب سے مظاہروں میں شریک افراد کو سزائے موت دینے کا سلسلہ بھی جاری ہے اور حال ہی میں دو نوجوانوں کو سزائے موت دی گئی ہے۔