پاکستان شوبز انڈسٹری کے معروف گلوکار اور اداکار فرحان سعید پیٹرول کی بڑھتی قیمت پر اظہارِ خیال کرتے ہوئے عوام پر برس پڑے۔

سماجی رابطے کی ویب سائٹ ٹوئٹر پر اپنے جاری کردہ ایک بیان میں فرحان سعید نے گزشتہ شب 22 روپے پیٹرول مہنگا کرنے کے حکومتی اقدام پر ٹوئٹ کی اور شہریوں کو آڑے ہاتھوں لیا۔

Pakistaniyon tum 500 rs litre bhi dalwa loge. Afsos!
The nations that don’t stand up for themselves, deserve this and worse !#inflation #petrolprice #PakistanEconomicCrisis

Advertisement

— Farhan Saeed (@farhan_saeed) February 15, 2023

انہوں نے پاکستانی عوام کو مخاطب کرتے ہوئے لکھا کہ ’پاکستانیوں تم 500 روپے فی لٹر پٹرول بھی ڈلوا لو گے، افسوس‘۔

معروف گلوکار نے اپنی ٹوئٹ میں مزید لکھا کہ ’جو قوم اپنے حق کے لیے نہیں کھڑی ہوتی وہ اس سے بھی بدتر کی حق دار ہے‘۔

واضح رہے کہ گزشتہ روز حکومت کی جانب سے پیٹرولیم مصنوعات کی قیمتوں میں اضافہ کر دیا گیا۔

پیٹرولیم مصنوعات کی قیمتوں میں اضافے کی سمری منظور کیے جانے کے بعد وزارت خزانہ کی جانب سے نوٹیفکیشن بھی جاری کیا گیا۔

وزارت خزانہ کی جانب سے جاری نوٹیفکیشن میں کہا گیا تھا کہ روپے کی قدر میں کمی وجہ سے پٹرولیم مصنوعات کی قیمتوں میں اضافہ کیا گیا ہے۔

پیٹرول کی قیمت میں 22 روپے 20 پیسے کا اضافہ کیا گیا ہے جس کے بعد پیٹرول کی نئی قیمت 272 روپے فی لیٹر ہوگی۔

نوٹیفکیشن میں کہا گیا تھا کہ ہائی اسپیڈ ڈیزل کی قیمت میں 17 روپے 20 پیسے کا اضافہ کیا گیا ہے جس کے بعد ہائی اسپیڈ ڈیزل کی نئی قیمت 280 روپے ہوگئی ہے۔

نوٹیفکیشن کے مطابق مٹی کے تیل کی فی لیٹر قیمت میں 12 روپے 90 پیسے اضافہ کیا گیا جس کے بعد مٹی کے تیل کی نئی قیمت 202 روپے 73 پیسے ہوگی۔

وزارت خزانہ کی جانب سے جاری نوٹیفکیشن میں مزید کہا گیا تھا کہ لائٹ ڈیزل کی فی لیٹر قیمت میں 9 روپے 68 پیسے اضافہ ہوا جس کے بعد لائٹ ڈیزل کی فی لیٹر نئی قیمت 196 روپے 68 پیسے ہو گئی ہے۔