پاکستان کے معروف گلوکار فلک شبیر کا نیا گانا ’’پیار دا سہارا‘‘ ریلیز ہو گیا ہے۔
معروف گلوکار فلک شبیر کا نیا گانا ’’پیار دا سہارا‘‘یوٹیوب پر ریلیز کردیا گیا جس کی ویڈیو میں سارہ خان شوہر کے ہمراہ ایک بار پھر نظر آئی ہیں۔
فلک شبیر نے یہ گانا خود لکھا اور گایا ہے جبکہ گانے کی ڈائریکشن عدنان قاضی اور موسیقی علی مصطفیٰ نے ترتیب دی ہے۔
گانے کی میوزک ویڈیو کو بلوچستان میں واقع ہنگول پارک میں شوٹ کیا گیا، جس میں فلک شبیر اور سارہ خان کو رومانوی انداز میں دیکھا جاسکتا ہے۔
اس سے قبل پاکستان کے معروف گلوکار فلک شبیر نے اپنی اہلیہ اداکارہ سارہ خان کے ہمراہ ایک نجی ٹی وی چینل کے شو میں شرکت کی تھی۔
گفتگو کے دوران گلوکار فلک شبیر نے اپنی اہلیہ سے متعلق انکشاف کیا تھا کہ ان کو شادی سے پہلے خوف تھا کہ کہیں میں انہیں ان کے کام کرنے سے منع ہی نہ کر دوں۔
یہ بھی پڑھیں: اداکارہ سارہ خان کا شوہر کے ساتھ ڈانس کرنے سے انکار
انہوں نے کہا تھا کہ جب سارہ خان نے مجھ سے اس حوالے سے پوچھا تو میں نے ان کو یقین دلایا کہ میں ایسا کبھی نہیں کروں گا، بلکہ جو آپ کو اچھا لگے وہ کریں، اگر آپ خوش ہیں تو میں بھی خوش ہوں۔
فلک شبیر نے کہا تھا کہ سارہ اتنی محنت کر کے اس مقام تک پہنچی ہیں میں کیسے ان کو منع کر سکتا ہوں بلکہ میں تو اور مردوں کو بھی یہی کہتا ہوں کہ اپنی بیوی کو سپورٹ کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News