بھارتی شوبز انڈسٹری میں صرف شادیاں ہی لاکھوں اور کروڑوں روپے میں نہیں ہوتیں بلکہ کچھ ایسے اداکار بھی ہیں جنہوں نے طلاق کے بعد بھی بیوی کو کروڑوں روپے دیے ہیں۔

آج ہم آپ کو ایسے اداکاروں کے بارے میں بتائیں گے جنہوں نے اپنی بیوی کو طلاق کے بعد اچھی خاصی رقم کے ساتھ رخصت کیا۔

ہریتھک روشن اور سوزانے خان

بالی ووڈ اسٹار ہریتھک روشن اور سوزانے خان نے 2000 میں شادی کی اور 14 سال بعد 2014 میں الگ ہونے کا فیصلہ کیا اور اس موقع پر سوزانے خان نے سیٹلمنٹ کیلئے 400 کروڑ روپے کا تقاضہ کیا اور 380 کروڑ روپے لے کر ہریتھک روشن سے الگ ہوئیں۔

عامر خان اور رینا دتہ

بالی ووڈ کے مسٹر پرفیکٹ عامر خان نے 1986 سے زندگی کے سفر میں ساتھ نبھانے والی رینا دتہ سے 2002 میں راہیں جدا کیں لیکن اس علیحدگی کے وقت عامر خان نے رینا کو 50 کروڑ روپے ادا کیے۔

فرحان اختر اور ادھونا بھابانی

اداکار فرحان اختر نے 2000 میں ادھونا بھابانی سے شادی کی اور 2017 میں ہونے والی طلاق پر فرحان اختر نے ادھونا کو بھاری رقم کے علاوہ 10 ہزار گز کا بنگلہ بھی دیا۔

سیف علی خان اور امرتا سنگھ

سیف علی خان اور امرتا سنگھ 15 سال تک شادی کے بندھن میں رہے اور اختتام پر سیف نے امرتا کو 5 کروڑ نقد ادا کئے اور بیٹے کے بالغ ہونے تک ماہانہ ایک لاکھ روپیہ دینے کا معاہدہ کیا۔

سنجے دت اور ریہا پلائی

بالی ووڈ کے سپر اسٹار سنجے دت نے 3 شادیاں کیں، انہوں نے اپنی دوسری اہلیہ ریہا پلائی کو طلاق کے بعد 8 کروڑ روپے اور ایک مہنگی کار دی۔

ارباز خان اور ملائیکہ اروڑا

اداکار ارباز خان اور ملائیکہ اروڑا نے تقریباً 19 سال ایک ساتھ گزارے اور علیحدگی کے وقت ارباز خان نے ملائیکہ کو تقریباً 10 سے 15 کروڑ تک رقم ادا کی۔

  کرشمہ کپور اور سنجے کپور

بھارت کی سپر اسٹار کرشمہ کپور اور سجنے کپور تقریباً 11 سال تک جیون ساتھی رہے اور یہ ساتھ چھوڑنے پر سنجے کپور نے کرشمہ کو 14 کروڑ روپے ادا کیے۔