پاکستان کی معروف اداکارہ سجل علی نے اپنا انسٹاگرام اکاؤنٹ ڈیلیٹ کر دیا ہے۔

حال ہی میں پاکستان کی معروف اداکارہ سجل علی کا انسٹاگرام اکاؤنٹ ویڈیو فوٹو شیئرنگ ایپ سے غائب ہوگیا ہے۔

اب تک یہ واضح نہیں ہے کہ اداکارہ سجل علی نے خود اپنا انسٹاگرام اکاؤنٹ ڈیلیٹ کیا ہے یا پھر ہیک کر لیا گیا ہے لیکن یہ بات درست ہے کہ اب ان کا اکاؤنٹ انسٹاگرام سے غائب ہو گیا ہے۔

یہ بھی پڑھیں؛ شادی سے متعلق اداکارہ سجل علی کا نیا بیان سامنے آگیا

  واضح رہے کہ پاکستان کی معروف اداکارہ سجل علی کے انسٹاگرام پر 9.4 ملین سے زیادہ فالوورز ہیں۔

  اس سے قبل  چیئرمین پاکستان تحریکِ انصاف عمران خان کی سابقہ اہلیہ جمائما گولڈ اسمتھ نے اپنی رومانوی کامیڈی فلم ’واٹس لو گاٹ ٹو ڈو وِد اِٹ؟‘ کے ایک پروموشنل ایونٹ میں شرکت کی تھی جہاں انہوں نے سجل علی کی خوب تعریف کی۔

یہ بھی پڑھیں: جمائما نے اداکارہ سجل علی کو اپنی فلم میں کاسٹ کرنے کی وجہ بتادی

انہوں نے کہا تھا کہ ’ سجل علی بہت ہی باصلاحیت اور شاندار اداکارہ ہیں، سجل نے فلم کے لیے ہمیں زوم پر آڈیشن دیا تھا اور مجھے یاد ہے کہ اس آڈیشن کو دیکھ کر پروڈیوسر نے کہا تھا کہ یہ کیا زبردست انداز میں بڑے بڑے آنسو بہاتی ہیں ‘۔

   انہوں نے کہا تھا کہ ’ ارینج میریج سے متعلق اس کہانی میں جس کردار کے لیے سجل علی کو کاسٹ کرنا تھا وہ اس کردار کے لیے ایک زبردست انتخاب ثابت ہوئیں ‘۔

جمائما گولڈ اسمتھ نے سجل علی کا موازنہ لیلی جیمز کے ساتھ کرتے ہوئے کہا تھا کہ ’ فلم میں ان دونوں کی جوڑی بہت زبردست رہی ‘۔