معروف سینئر اداکار کی گاڑی کو خوفناک حادثہ

ویب ڈیسک

26th Feb, 2023. 04:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معروف سینئر اداکار کی گاڑی کو خوفناک حادثہ

پاکستان فلم انڈسٹری کے سینئر اداکار شاہد حمید کی گاڑی کو کینیڈا کے شہر ٹورنٹو میں خوفناک حادثہ پیش آیا ہے۔

رپورٹ کے مطابق اداکار شاہد حمید اپنے دوست کے گھر جا رہے تھے کہ اچانک ان کی گاڑی بے قابو ہو کر ایک ٹرالر سے ٹکرا گئی۔

شاہد حمید— فائل فوٹو

اُنہوں نے اپنے ساتھ پیش آنے والے اس حادثے سے متعلق سوشل میڈیا پر ایک ویڈیو پیغام بھی شیئر کیا ہے۔

اداکار نے بتایا ہے کہ کل رات میرا ٹورنٹو میں ایکسیڈنٹ ہوا، اللّٰہ کا شکر ہے، آپ سب کی دعاؤں سے میں بالکل ٹھیک ہوں۔

شاہد حمید نے بتایا کہ میں اپنے دوست ناصر کے گھر کھانے پر جا رہا تھا کہ راستے میں گاڑی اچانک سلپ ہو کر ٹرالر سے ٹکرا گئی، یہ بہت بڑا معجزہ ہے کہ آپ سب کی دعاؤں سے میں بچ گیا۔

سوشل میڈیا پر سامنے آنے والی تصاویر میں حادثے کا شکار شاہد حمید کی گاڑی کو بھی دیکھا جا سکتا ہے۔