کچھ روز قبل کسمپرسی کی زندگی گزارنے والی خاتون نے دعویٰ کیا تھا کہ وہ وہ کلاسیکل گلوکار غلام علی کی پوتی اور سجاد علی کی سگی بہن ہیں اور بھیک مانگ کر یا لوگوں کے گھروں میں پیسے مانگ کر گزار کر رہی ہیں۔

نجی پروڈکشن کے میزبان سے گفتگو کرتے ہوئے خاتون نے بتایا تھا کہ اُن کا نام بشریٰ اختر ہے اور تعلق کلاسیکل موسیقی کے گھرانے سے ہے۔

انہوں نے بتایا تھا کہ بڑے غلام علی میرے رشتے کے دادا ہیں کیونکہ معروف غزل گائیک اور لیجنڈری گلوکار اُن کے دادا کے سگے بھائی تھے۔

بشریٰ نے دعویٰ کیا تھا کہ وہ معروف گلوکار سجاد علی کی بہن ہیں، اس کے ساتھ ہی انہوں نے کہا کہ میں ہمیشہ سجاد کی صحت اور خوشیوں کیلیے دعا کرتی ہوں اور کیوں نہ کروں کیونکہ ہمارا ایک ہی خاندان ہے۔

خاتون نے کہا تھا کہ ’میاں قادر بخش کے خاندان کیوجہ ہم موسیقی کی دنیا میں قدم نہیں رکھ سکے تاہم دادا کے بھائی بڑے غلام علی کے خاندان نے بھرپور طریقے سے میوزک کا کام کیا اور آج بھی کررہا ہے۔

یہ بھی پڑھیں: ’سجاد علی کی بہن ہوں‘؛ بھیک مانگنے والی خاتون کا دعویٰ

ان کا مزید کہنا تھا کہ وہ گانا چاہتی ہیں اور ان کی کوشش ہے کہ موقع ملے تاکہ پیسہ اور نام کما سکیں۔

خاتون نے چند لوگوں جیسے طافو کا نام لے کر بتایا تھا کہ وہ میرے دادا کے شاگرد تھے۔

بشریٰ نے کہا تھا کہ ‘شاید سجاد علی ہم سے ملنا چاہتے ہیں لیکن وہ ہمارے گھر کے بارے میں نہیں جانتے، میں جانتی ہوں کہ وہ بہت مہربان انسان ہیں’۔

خاتون کا کہنا تھا کہ وہ گزر بسر کیلیے بھیک مانگنے اور گھروں پر کام کرنے پر مجبور ہیں جبکہ وہ درباروں میں کمائی کے لیے گاتی ہیں اور پیسے شوہر کے علاج سمیت دو بچوں پر خرچ کرتی ہیں۔

یہ بھی پڑھیں: مبینہ بہن کی ویڈیو وائرل ہونے پر سجاد علی کا ردعمل بھی سامنے آگیا

مبینہ بہن کی ویڈیو وائرل ہونے پر پاکستان کے معروف گلوکار سجاد علی کا ردِعمل سامنے آگیا تھا۔

پاکستانی گلوکار سجاد علی نے اپنے انسٹا گرام اکاؤنٹ پر ایک ویڈیو پوسٹ کی تھی جس میں انہوں نے اس خبر کو فیک قرار دیا تھا۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Sajjad Ali Official (@thesajjadali)

انہوں نے کہا تھا کہ کچھ عرصہ قبل کسی نے میری ایک فیک شادی کروا دی تھی جس کی وجہ سے میرے بیوی بچے ناراض ہوگئے تھے کہ ہمیں شادی میں کیوں نہیں بلایا؟

سجاد علی نے کہا تھا کہ اب فیک بہن اور جھوٹی کہانی بنائی گئی ہے جس کے کیپشن میں لکھا کہ ارب پتی گلوکار سجاد علی کی بہن بھیک مانگنے پر مجبور ہیں۔

گلوکار نے کہا تھا کہ اسٹوری کی تھمبنیل میں اہلیہ کی بچپن کی تصویر لگا کر میری بہن ثابت کرنے کی کوشش کی ہے۔

انہوں نے کہا تھا کہ اس طرح کی ویڈیوز شہرت، پیسے اور دوسروں کی عزت خراب کرنے کیلئے بنائی جاتی ہیں، نہ وہ عورت میری بہن ہے، نہ کزن اور نہ ہی دور کی رشتے دار ہے۔

سجاد علی نے کہا تھا کہ وہ عورت غریب ہے جو لوگوں کے کہنے پر کچھ بھی کہنا شروع ہو جاتی ہے، اگر کوئی مدد چاہیے تھی تو مجھے براہ راست کہہ دیتے تو میں کچھ نہ کچھ مدد کر ہی لیتا، اتنا ڈرامہ کرنے کی ضرورت نہیں تھی، مجھے لگتا ہے کہ اس سب کے پیچھے کوئی لوگ ہیں جو اس خاتون کو اکسا رہے ہیں۔

گلوکار نے کہا تھا کہ اس طرح کی مضحکہ خیز خبروں پر کچھ لوگ یقین کرلیتے ہیں اور پھر تبصرے بھی کرلیتے ہیں، حیرت اور افسوس اس بات پر ہے لوگ اس طرح کی چیزوں  کو بغیر کسی تصدیق کے شیئر کردیتے ہیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Sajjad Ali Official (@thesajjadali)

اب سجاد علی کے ویڈیو بیان کے بعد خاتون کا دوبارہ انٹرویو لیا گیا جس میں انہوں نے اپنے بچپن کی تصویر بھی شئیر کی اور سجاد سے رشتے سے متعلق بتایا۔

گلوکار کی بہن کا دعویٰ کرنے والی خاتون نے بتایا کہ میں سجاد علی کی بہن ہوں، میں بھیک وغیرہ مانگ کر بچوں کا گزارہ کر لیتی ہوں۔

ایک سوال کے جواب میں بشریٰ نامی خاتون کا کہنا تھا کہ بچوں اور شوہر کی تمام ذمہ داری مجھ پر ہے۔ میرے شوہر بیمار ہیں، ان کے بیمار ہونے کے بعد گھر کے ایسے حالات ہوگئے کہ مجھے بھیک مانگنا پڑ گئی۔

انہوں نے کہا کہ خون کا رشتہ سگا ہی ہوتا ہے، ان کے دادا جی میرے دادا جی ایک ہی ہیں، جو میاں قادر بخش میرے دادا ہیں وہ ان کے بھی دادا ہیں۔

ان کا کہنا تھا کہ میرے دادا میاں قادر بخش تبلہ نواز تھے اور جو بڑے غلام علی ہیں وہ گائیک میں تھے تو اس وجہ سے سجاد میرے چچا کے بیٹے ہیں۔

بشری خاتون نے بتایا کہ میرے والد کا نام اختر حسین تبلہ نواز تھا اور سجاد علی کے والد کا نام شفقت حسین تھا۔

سجاد علی کی مبینہ بہن کا کہنا تھا کہ سجاد بھائی سروں کے بادشاہ ہیں اورمجھے اپنے بھائی پر فخر ہے۔

بشریٰ کا کہنا تھا کہ میرے والد صاحب نے مجھے یہ سب راز بتائے ہیں جس کی وجہ سے میں آج میڈیا پر سب بتا رہی ہوں۔

انہوں نے مزید بتایا کہ میں 12 سال سے بھیک مانگ رہی ہوں اور لوگوں کے گھروں کا کام بھی کرچکی ہوں۔