پاکستان شوبز انڈسٹری کی سینئر اداکارہ بشریٰ انصاری نے انڈسٹری کے بڑے اسٹارز کی بری عادتوں کے حوالے سے کھل کر بتادیا۔

ایک نجی ٹی وی کے پروگرام میں بشریٰ انصاری نے شرکت کی، جہاں میزبان کے سوالا ت کا جواب دیتے ہوئے انہوں نے بتایا کہ پاکستانی اداکاروں کی بری عادت جو ہمیشہ سیٹ پر دیر سے آتے ہیں۔

انہوں نے کہا، “جو سیٹ پر دیر سے آنے کا عادی ہے وہ دیر سے آئے گا، چاہے کچھ بھی ہو۔  یہ اس کی عادت ہے اور وہ اس سے چھٹکارا نہیں پا سکتا۔ دیر سے آنے والوں کو دیر سے آنے پر مجبور کیا جاتا ہے، وہ وقت پر نہیں آسکتے۔

ان کا کہنا تھا کہ ایک پروڈیوسر ایسے اسٹارز کو کاسٹ کرکے  اپنے لئے رسک لیتا ہے  کیونکہ وہ جلدی نہیں آتے، اس لیے جب میں ان کے ساتھ کام کرتی ہوں تو اپنا ذہن بنا لیتی ہوں،  میں پروڈکشن سے بھی کہتی ہوں کہ اگر ان اسٹارز کو دیر سے آنا ہے تو پھر ہمیں بھی اسی مطابق آنے دیں۔

اداکارہ نے کہاکہ  یہ سینئر یا جونیئر کے بارے میں نہیں ہے، یہ ان لوگوں کی بات ہے جو سیٹ پر دیر سے آتے ہیں، میں پھر جب ان کے ساتھ کام کرتی ہوں تو اسے برداشت کر تی ہوں۔

یہ بھی پڑھیں: بشریٰ انصاری اور اذان سمیع خان کی ڈانس ویڈیو وائرل

بشریٰ انصاری نے کہاکہ  پروڈکشن پھر ان کی وجہ سے نقصان اٹھاتی ہے، جس میں خواتین اداکاروں کو زیادہ مارجن دیا جاتا ہے۔ اداکار پارٹیاں اور گیمنگ یا لیٹ نائٹ مووی سیشن کرتے ہیں اور ان سب چیزوں کے درمیان وہ تھوڑا سا کام بھی کرتے ہیں۔ میں اکثر ان سے کہتی  ہوں، آپ کی پارٹی آپ کے کام کی وجہ سے ہے، آپ کا کام آپ کی پارٹی کی وجہ سے نہیں ہے، لہذا آپ کو اپنے کام کا احترام کرنا چاہیے۔