آسیب کا قصہ جو سحر خان نے اپنی آنکھوں سے دیکھا

ویب ڈیسک

10th Feb, 2023. 06:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آسیب کا قصہ جو سحر خان نے اپنی آنکھوں سے دیکھا

پاکستان کی معروف اداکارہ سحر خان نے خود کے ساتھ پیش آئے خوفناک واقعے کا تذکرہ کیا ہے۔

حال ہی میں اداکارہ سحر خان نے ایک نجی ٹی وی چینل کے شو میں شرکت کی جہاں انہوں نے اپنی زندگی کے مختلف واقعات کا ذکر کیا۔

شو کے دوران میزبان کی جانب سے سحر خان سے کسی ڈراؤنے واقعے کے بارے میں پوچھا گیا جس کے جواب میں اداکارہ نے اپنے ساتھ پیش آئے واقعے کا ذکر کیا۔

سحر خان نے کہا کہ ’وہ اپنی دو دوستوں کے ساتھ ایک دوست کے گھر موجود تھیں اور ان کی دوست کی جانب سے بتایا گیا کہ ان کے گھر میں کسی بزرگ کا سایا ہے، جب ان کی دوست یہ ڈراؤنی بات بتا رہی تھی تو وہ اس کا مذاق اڑاتے ہوئے ہنس رہی تھیں ‘۔

انہوں نے کہا کہ ’ ان کی دوست نے مذاق اڑانے سے منع بھی کیا لیکن وہ ہنستی رہیں اور پھر انہوں نے کہا کہ اگر کوئی بابا ہے تو نشانی دکھاؤ ‘۔

اداکارہ سحر خان نے کہا کہ ’ اسی لمحے کمرے کی بند کھڑکی اچانک زور سے بجنے لگی جس سے وہ ڈر گئیں، خوف کے مارے دعائیں بھی یاد نہیں رہیں اور انہوں نے اسلام علیکم کہنا شروع کردیا ‘۔