حدیقہ کیانی نے سیلاب متاثرین کیلئے 100 گھر تعمیر کروا کر انسانیت کی نئی مثال قائم کردی

ویب ڈیسک

02nd Mar, 2023. 03:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حدیقہ کیانی نے سیلاب متاثرین کیلئے 100 گھر تعمیر کروا کر انسانیت کی نئی مثال قائم کردی

پاکستان کی معروف گلوکارہ حدیقہ کیانی نے سیلاب متاثرین کیلئے 100 گھر تعمیر کروا کر انسانیت کی نئی مثال قائم کردی ہے۔

حال ہی میں پاکستان کی معروف گلوکارہ حدیقہ کیانی نے سیلاب متاثرین کے لیے 100 گھروں کی تعمیر مکمل کر لی ہے۔

حدیقہ کیانی نے گھروں کے افتتاح کے موقع پر میڈیا سے گفتگو کرتے ہوئے ان کی مہم کا حصہ بننے والوں کا شکریہ ادا کیا۔

انہوں نے کہا کہ سیلاب متاثرین میں بڑی تعداد میں حاملہ خواتین شامل تھیں جو موت کا شکار ہو رہی تھیں اس لئے میٹرنٹی ہوم کا قیام اہم تھا۔

حدیقہ کیانی نے کہا کہ بہت مشکور ہوں کہ لوگوں نے وسیلہ راہ کی اس مہم پر بھروسہ کیا،ان کی مدد سے ہم تحصیل تمبو ضلع نصیر آباد بلوچستان میں 100 گھر تعمیر کرنے میں کامیاب ہوئے ہیں۔

واضح رہے کہ حدیقہ کیانی کی جانب سے ان کی سیلابی مہم ’وسیلہ راہ‘ کے تحت بلوچستان کے سیلاب سے متاثرہ علاقوں میں 200 گھروں کی تعمیر کا اعلان کیا گیا تھا تاہم ان میں سے 100 گھروں کی تعمیر مکمل کر لی گئی ہے، جس میں ایک اسکول اور ایک میٹرنٹی ہوم شامل ہے۔