بالی ووڈ کی معروف اداکارہ ایشوریہ رائے نے شاہ رخ خان کی فلموں سے متعلق اہم انکشاف کیا ہے۔

حال ہی میں بالی ووڈ کی معروف اداکارہ ایشوریہ رائے نے اپنے ایک انٹرویو کے دوران انکشاف کیا ہے کہ ’ نہ صرف شاہ رخ خان کی فلم’چلتے چلتے‘ میں بلکہ’ویر زارا‘سمیت پانچ دیگر فلموں میں میری جگہ دوسری ہیروئینز کو کاسٹ کیا گیا ‘۔

  اُنہوں نے کہا کہ ’مجھ سے کچھ فلموں کے بارے میں بات ہوئی تھی کہ میں اور شاہ رخ خان ان فلموں میں ایک ساتھ کام کریں گے لیکن پھر اچانک مجھے پتا چلتا ہے کہ بغیر کوئی وضاحت دیے میری جگہ ان فلموں میں دیگر اداکاراؤں کو کاسٹ کرلیا گیا ہے اور ایسا کیوں کیا گیا، اس کا جواب مجھے ابھی تک نہیں ملا‘۔

مزید پڑھیں: فلم ’پٹھان‘ کے مرکزی کرداروں نے کتنا معاوضہ لیا؟

انٹرویو کے دوران میزبان نے سوال کیا کہ’آپ نے اتنی بڑی فلموں سے نکالے جانے پر کیسا محسوس کیا؟

سوال کے جواب میں اداکارہ کا کہنا تھا کہ ’جب آپ کے پاس ایسا ہونے کی کوئی وضاحت نہیں ہوگی تو ظاہر ہے کہ آپ مکمل طور پر حیران، الجھن اور تکلیف میں ہی ہوتے ہیں‘۔

 میزبان نے سوال کیا کہ کیا آپ نے  کبھی شاہ رخ خان سے وجہ نہیں پوچھی؟

 سوال کے جواب میں اداکارہ کا کہنا تھا کہ ’ایسا میری فطرت میں نہیں ہے، اگر کوئی شخص مجھے خود سے کسی بات کی وضاحت دینے کی ضرورت محسوس کرتا ہے تو وہ خود ہی دے دے گا‘۔

اُنہوں نے کہا کہ ’اگر شاہ رخ خان نے کبھی وضاحت نہیں دی تو اس کا مطلب ہے کہ وہ کوئی وضاحت دینا ہی نہیں چاہتے لہٰذا میں نے بھی کبھی نہیں پوچھا اور نہ ہی کبھی پوچھوں گی‘۔

دوسری جانب اس حوالے سے بالی ووڈ کنگ شاہ رخ خان  نے اپنے ایک انٹرویو میں کہا کہ ’میں ذاتی طور پر اس حقیقت پر بہت افسردہ ہوں کہ ایشوریا ایک بہت ہی قریبی دوست تھیں اور میں نے ان کے ساتھ ماضی میں کئی شاندار فلمیں کی ہیں‘۔

انہوں نے کہا کہ ’ بطور پروڈیوسر میرے ہاتھ بندھے ہوئے ہیں کیونکہ فلم کی ٹیم میں بہت سے لوگ شامل ہوتے ہیں اور ہم فلم کو 3 سے 4 ماہ میں مکمل کرنا چاہتے تھے‘۔

یہ بھی پڑھیں؛ شاہ رخ خان کے بنگلے سے متعلق اہم معلومات سامنے آگئیں

بالی ووڈ کے معروف اداکار نے کہا کہ ’مجھے یقین ہے کہ ایشوریہ کے ساتھ بھی اتنے کم عرصے میں فلم بنائی جاسکتی ہوگی لیکن خیر جو کچھ ہوا مجھے اس پر بہت دکھ ہوا، ایسا نہیں ہونا چاہیئے تھا‘۔