گلوکار ایلوس پریسلی کا 40 سال پرانا جہاز اب سڑکوں پر دوڑے گا
امریکہ کے نامورآنجہانی گلوکار ایلوس پریسلے کا پرائیویٹ ہوائی جہاز 40 سال تک نیو میکسیکو کے صحرا میں لاوارث کھڑے رہنے کے بعد بالآخر دوبارہ آپریشنل ہونے جا رہا ہے۔
میڈیا رپورٹس کے مطابق اب کی بار یہ ہوا میں اڑنے کی بجائے سڑکوں پر دوڑتا نظر آئے گا۔
آنجہانی ایلوس پریسلے کا یہ 1962ءمیں تیار ہونے والا لاک ہیڈ 1329جیٹ سٹار جیمز ویب نامی یوٹیوبر نے 2لاکھ 60 ہزار ڈالر میں خرید لیا ہے اور اسے بطور گاڑی سڑکوں پر سفر کرنے کے قابل بنانے کا تہیہ کر لیا ہے۔
جیمز ویب کا ’جمیز ورلڈ‘ کے نام سے یوٹیوب چینل ہے، جس پر اس نے اس جہاز کی ایک ویڈیو پوسٹ کی ہے اوراس میں تمام تفصیل بیان کی ہے۔
جیمز ویب کا کہنا ہےکہ وہ اس جہاز کو خرید کر فلوریڈا لے آیا ہے اور اب اس کو دوبارہ تیار کرنے کا کام جلد شروع کیا جائے گا، جسے تیار کرنے کے بعد وہ اس پر پورے ملک کا چکر لگائے گا اور فلاحی تنظیموں کے لیے اس کے ذریعے چندہ جمع کرے گا۔
Advertisement
جیمز ویب کا کہنا ہےکہ ”یہ جہاز میری زندگی کی سب سے مہنگی چیز ہے جو میں نے خریدی ہے۔ یہ جہاز میرے گھر سے بھی مہنگا ہے۔ “
واضح رہےکہ ایلوس پریسلے نے یہ جہاز دسمبر 1976ءمیں 8لاکھ 40ہزار ڈالر میں اپنی موت سے چند ماہ قبل خریدا تھا۔ اگست 1977ءمیں وہ محض 42سال کی عمر میں دنیا سے رخصت ہو گئے تھے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
