بالی ووڈ کے معروف اداکار نواز الدین صدیقی کی اہلیہ کے بعد بھائی شمس نواب صدیقی نے بھی اپنے بھائی کے خلاف نئے انکشافات کردیئے ہیں۔

    حال ہی میں بالی ووڈ کے معروف اداکار نواز الدین صدیقی کے بھائی شمس نواب صدیقی نے میڈیا سے گفتگو کرتے ہوئے کہا ہے کہ ’ نواز الدین صدیقی جائیدادیں تو خرید لیتے ہیں، لیکن وہ ایسے انسان نہیں جیسا ان کے بارے میں تاثر قائم ہے، وہ ایک مشکل شخص ہیں ‘۔

انہوں نے کہا کہ ’ نواز الدین صدیقی ان کا ساتھ دینے والے لوگوں کو چھوڑ دیتے ہیں، اس سلسلے میں انہوں نے اپنی بھابھی عالیہ کا ساتھ دیتے ہوئے کہا کہ اس کی مثال میں اور عالیہ ہیں ‘۔

انٹرویو کے دوران ان سے پوچھا گیا کہ نواز اور انہوں نے ایک ساتھ کام کرنا کیوں چھوڑ دیا ہے؟؟

اس کے جواب میں شمس کا کہنا تھا کہ ’ انہوں نے زیادہ ٹی وی کیا اور ایک یا دو شو کی ہدایت کاری بھی کی، نواز نے پھر مجھے اپنے ساتھ شامل ہونے کو کہا، 2019 میں میری فلم ’بولے چوڑیاں‘ ریلیز ہوئی، پروڈیوسر نے اصرار کیا کہ اس نے فلم میں نواز الدین صدیقی کو کاسٹ کیا ‘۔

یہ بھی پڑھیں: اداکار نواز الدین صدیقی نے بھاری معاوضہ لینے والے فنکاروں کو آڑے ہاتھوں لے لیا

انہوں نے کہا کہ ’ فلم میں مجھے بحیثیت بھائی جب ان کی سب سے زیادہ ضرورت تھی، تو نواز الدین صدیقی نے اچانک پروڈیوسر سے کہا کہ وہ اس وقت تک کام جاری نہیں رکھیں گے جب تک کہ انہیں فلم سے متعلق تمام واجبات نہیں مل جاتے ‘۔

 شمس نواب نے یہ بھی الزام لگایا کہ ’نواز الدین صدیقی انہیں ان کی بیٹی سے ملنے نہیں دیتے ‘۔

واضح رہے کہ اس سے قبل نواز الدین صدیقی کی بیوی نے انہیں بزدل باپ قرار دیا تھا۔ یہی نہیں بلکہ عالیہ نے ان پر ریپ کا الزام لگاتے ہوئے تھانے میں شکایت بھی درج کرائی تھی۔