پاکستان کی معروف اداکارہ شیری شاہ نے ساتھی اداکار شمعون عباسی سے شادی کی تصدیق کر دی ہے۔

لالی ووڈ کے معروف اداکار شمعون عباسی اور شیری شاہ کی شادی کی افواہیں 2022 سے گردش کر رہی تھیں لیکن دونوں فنکاروں نے شادی کی خبروں پر کوئی درعمل نہیں دیا تھا۔

تاہم حال ہی میں پاکستان کی معروف اداکارہ شیری شاہ نے اپنے فیس بک اکاؤنٹ پر ایک تصویر پوسٹ کی ہے جس کے کیپش میں انہوں نے اداکار شمعون عباسی کو سالگرہ کی مبارکباد دی ہے۔

انہوں نے کیپشن میں لکھا ہے کہ ’ میں آپ کی بہت سی چیزوں کی تعریف کرتی ہوں، آپ کی طاقت، آپ کا پرسکون رہنا، آپ کا کردار اور دیانتداری، آپ کی حسِ مزاح، آپ کا دنیا کی خوبصورتی دیکھنے کا انداز، آپ کے ساتھ رہنے میں بہت مزہ آرہا ہے اور یہی وجہ ہے کہ میری زندگی بہت خوبصورت ہو گئی ہے ‘۔

اداکارہ نے لکھا ہے کہ ’ میری زندگی میں سب سے اچھی چیز ہونے کا شکریہ، میں آپ کو اپنے جیون ساتھی کے طور پر پا کر بہت خوش قسمت محسوس کرتی ہوں، سالگرہ مبارک ہو “ہبی”

یہ بھی پڑھیں؛ قبرستان سے پُر اسرار آوازیں؛ شمعون عباسی نے رونگٹے کھڑے کردینے والی ویڈیو شیئر کردی

واضح رہے کہ اس سے قبل اداکار شمعون عباسی تین شادیاں کرچکے ہیں۔ان کی پہلی بیوی اداکارہ جویریہ عباسی تھیں جن سے ان کی ایک بیٹی انزیلہ عباسی ہیں۔

اداکار شمعون عباسی نے دوسری شادی اداکارہ حمائمہ ملک سے 2010میں کی تھی جوبمشکل 2 سال ہی چل سکی۔

شمعون عباسی نے تیسری شادی مبینہ طور پر جویریہ رندھاوا نامی خاتون سے کی تھی جن سے ان کی ایک بیٹی ہے تاہم اس شادی کا اختتام بھی طلاق پر ہوا۔

دوسری جانب اداکارہ شیری شاہ  کی بھی یہ دوسری شادی ہے۔ اداکارہ نے 2013 میں ڈاکٹر ملک انور سے شادی کی تھی تاہم یہ شادی ایک سال میں ہی ختم ہوگئی تھی۔