کپل شرما کامیڈی شو کی 1 قسط کا کتنا معاوضہ لیتے ہیں؟ جان کر آپ یقین نہیں کر پائیں گے

ویب ڈیسک

07th Jun, 2023. 02:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کپل شرما کامیڈی شو کی 1 قسط کا کتنا معاوضہ لیتے ہیں؟ جان کر آپ یقین نہیں کر پائیں گے

آج ہم آپکو بتائیں گے کہ معروف بھارتی کامیڈین کپل شرما کامیڈی شو کی 1 قسط کا کتنا معاوضہ لیتے ہیں۔

پاکستانی کامیڈین اور اداکار افتخار ٹھاکر سے حال ہی میں دیے گئے ایک انٹرویو میں میزبان نے سوال کیا کہ آپ کے خیال میں کپل شرما اپنے شو کا معاوضہ کتنا لیتے ہوں گے؟

میزبان کے سوال پر افتخار ٹھاکر نے بتایا کہ کپل شرما ایک شو کا معاوضہ 5 کروڑ لیتے ہوں گے جو کہ پاکستانی 18 سے 19 کروڑ بنتے ہیں۔

انہوں نے بتایا کہ کپل شرما کے پروگرام کی دنیا بھر میں مقبولیت اتنی ہے کہ ان کا معاوضہ 5 کروڑ ہوگا تاہم اب تو پاکستانی کامیڈین کا معاوضہ بھی بڑھ گیا ہے۔

ان کا کہنا تھا کہ پاکستان کامیڈین ناصر چنیوٹی نے بھارت میں ایک فلم کا معاوضہ ایک کروڑ سے زیادہ لیا تھا کیونکہ یہ ڈیل میں نے ہی بنائی تھی، اس کے بعد ناصر چنیوٹی نے میری پنجابی فلم میں کام کیا اور 12 دن کام کا معاوضہ 35 لاکھ پاکستانی روپے لیا تھا۔

افتخار ٹھاکر نے مزید کہا کہ آج کے پاکستانی اداکار اگر پنجابی فلموں میں کام کریں تو وہ فائیو اسٹار ہوٹل اور مرضی کے کھانے پینے کے علاوہ ایک سے ڈیڑھ کروڑ آسانی سے معاوضہ اٹھا لیتے ہیں اور پھر اداکاروں کو عزت پاکستانی وزیر اعظم جیسی دی جاتی ہے۔