پاکستان کی معروف اداکارہ و ماڈل ایمان علی کا کہنا ہے کہ دوستوں کے بجائے شوہر کے ساتھ گھر میں بیٹھ کر نیٹ فلکس دیکھنے کو ترجیح دیتی ہوں۔

حال ہی میں پاکستان کی معروف اداکارہ و ماڈل ایمان علی نے ایک نجی ٹی وی چینل کے شو میں شرکت کی جہاں انہوں نے اپنی زندگی کے مختلف پہلوؤں سے متعلق گفتگو کی۔

  انہوں نے کہا کہ وہ شروع سے ہی کم اعتماد رہی ہیں، یہی وجہ ہے کہ وہ ایوارڈ شوز میں شرکت نہیں کرتیں۔

ایمان علی نے کہا کہ فلم ’ٹچ بٹن‘ میں انہوں نے صرف اپنا کردار انجوائے کیا، ٹچ بٹن کی شوٹنگ کے دوران سیٹ پر ان کا خیال نہیں رکھا گیا، سیٹ پر سہولیات نہیں تھیں، وینیٹی وین نہیں دی گئی، اُس وقت سردی بہت زیادہ تھی تو ہیٹر بھی نہیں چل رہا تھا۔

ٹیلی ویژن پر کام کرنے سے متعلق بات کرتے ہوئے ایمان علی نے کہا کہ ایک مختصر سیریل کے حوالے سے بات چل رہی ہے، جلد ہی ٹی وی پر نظر آؤں گی۔

انہوں نے کہا کہ فلم یا ڈرامے میں ایکشن کردار ادا کرنے کی خواہش ہے، مجھے اسلحہ بہت پسند ہے، مجھے اپنا آپ مکمل لگتا ہے جب میں اسلحہ اٹھاتی ہوں، اس لیے میں چاہتی ہوں کہ کسی ڈرامے یا فلم میں اسلحہ اٹھا کر کردار ادا کروں۔

اداکارہ نے  کہا کہ لوگ کہتے ہیں کہ میں بہت پیاری ہوں لیکن آئینہ دیکھ کر یقین نہیں آتا، اس لیے میں میک اپ کرنے کے بعد آئینہ نہیں دیکھتی۔

ایمان علی نے کہا کہ میں سیلفی نہیں لے سکتی، میں چاہتی ہوں کہ کوئی میری تصاویر لے، اسے ایڈٹ کرے اور سوشل میڈیا پر پوسٹ کرلے۔

انہوں نے کہا کہ شوبز انڈسٹری میں میرے زیادہ دوست نہیں ہیں کیونکہ میرے پاس فالتو وقت نہیں ہے، دوستیاں مجھے جھوٹی لگتی ہے، سب جھوٹ بول رہے ہوتے ہیں، میں اپنے شوہر کے ساتھ گھر میں بیٹھ کر نیٹ فلکس دیکھنے کو ترجیح دیتی ہوں۔

ایمان علی نے اپنی شادی سے متعلق بات کرتے ہوئے کہا کہ شادی کے بعد کی زندگی زیادہ بہتر ہوگئی ہے، جیون ساتھی کے ساتھ محفوظ محسوس کرتی ہوں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں