پاکستان بھر میں 9 محرم الحرام عقیدت و احترام سے منایا جا رہا ہے، اس دوران مختلف شہروں میں جلوس نکالے جائیں گے جس کیلئے سیکیورٹی انتظامات مکمل کر لیے گئے ہیں۔

یومِ عاشور کی مناسبت سے پاکستان شوبز انڈسٹری حضرت امام حسینؓ اور ان کے جانثار ساتھیوں کی شہادت کو یاد کر رہی ہے۔

مختلف شوبز شخصیات میں سے کسی نے اظہارِ عقیدت کرتے ہوئے مختلف سوشل میڈیا پلیٹ فارمز پر پوسٹ شیئر کیں تو کسی نے کربلا میں حاضری دی۔

رابی پیر زادہ

اسلام کی خاطر شوبز چھوڑنے والی رابی پیر زادہ نے یومِ عاشور کے موقع پر ٹوئٹ کرتے ہوئے لکھا کہ شیعہ اور سُنی دونوں حضرت حسینؓ کے غم میں برابر کے شریک ہیں۔ یہ غم ہر مسلمان کا ہے، قرآن میں لکھا ہے تفرقہ بازی کرنے والا جنت میں داخل نہیں ہوگا۔ ہم ایک اُمّت ہیں، ایک نبی ﷺ کے چاہنے والے ہیں۔

یمنیٰ زیدی

اداکارہ یمنیٰ زیدی اپنی والدہ کے ہمراہ محرم الحرام کے آغاز سے ہی عراق کے شہر کربلا میں موجود ہیں۔ ان کی باحجاب تصاویر سوشل میڈیا پر زیرِ گردش ہیں۔

سعدیہ امام

سینئر اداکارہ سعدیہ امام نے کربلا سے تصاویر شیئر کیں اور حضرت امام حسینؓ کو سلام پیش کیا۔

عمران عباس

اداکار عمران عباس نے حضرت امام حسینؓ کو سلام پیش کرتے ہوئے پوسٹ شیئر کی۔

اداکارہ نتاشہ علی اور مدیحہ رضوی نے شہدائے کربلا کو سلام پیش کیا اور ان سے عقیدت کا اظہار کرتے ہوئے انسٹاگرام پر پوسٹ شیئر کی۔

اداکار احسن خان، فیروز خان، محسن عباس حیدر، یاسر نواز، اداکارہ زارا نور عباسی، سعدیہ خان، مدیحہ نقوی، ڈاکٹر بشریٰ اقبال سمیت دیگر کئی فنکاروں  نے شہدائے کربلا کو سلام پیش کیا اور اس موقع کی مناسبت سے خدمت خلق پر زور دیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں