ورلڈکپ ویڈیو میں بابر اعظم کو نہ دکھانے پر پاکستان کی معروف اداکارہ ماورا حسین خاموش نہ رہ سکیں اور شدید الفاظ میں مذمت کر دی۔

حال ہی میں پاکستان کی معروف اداکارہ ماورا حسین نے اپنے ٹوئٹر اکاؤنٹ پر آئی سی سی کی جاری کردہ ورلڈ کپ کی پروموشنل ویڈیو کو ری ٹوئٹ کرتے ہوئے آئی سی سی کا رینکنگ چارٹ بھی شیئر کردیا جس کے مطابق بابر اعظم بیٹرز کی فہرست میں صف اول پر براجمان ہیں۔

ٹوئٹ میں انہوں نے لکھا کہ اس سے کوئی فرق نہیں پڑتا کہ ہمارے ساتھ کتنی ہی بار ایسا سلوک کیا جائے جیسے کہ ہم موجود ہی نہیں ہیں، ہم پھر بھی ہمیشہ ہمت و حوصلہ بلند رکھ کر دوبارہ کھڑے ہوتے ہیں اور تمام مشکلات کے باوجود صف اول میں جگہ بنا لیتے ہیں۔

واضح رہے کہ گزشتہ روز انٹرنیشنل کرکٹ کونسل (آئی سی سی) نے اکتوبر میں ہونے والے ورلڈ کپ کی پروموشنل ویڈیو جاری کی تھی جس میں ون ڈے فارمیٹ میں نمبر ون پوزیشن پر موجود بابر اعظم کو نہیں دکھایا گیا تھا۔

بابر اعظم کو نظر انداز کیے جانے پر آئی سی سی کو کرکٹ شائقین کی جانب سے تنقید کا نشانہ بنایا جا رہا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں