بالی ووڈ اداکارہ شلپا شیٹھی کے شوہر راج کندرا جلد ہی اپنی بایوپک فلم میں مرکزی کردار ادا کرتے ہوئے اپنی اداکاری کا آغاز کرنے والے ہیں۔

ملٹی ملینیئر بزنس مین اور بالی ووڈ اداکارہ شلپا شیٹی کے شوہر راج کندرا بالی ووڈ میں ایک نامور شخصیت کے طور پر جانے جاتے ہیں تاہم، پچھلے سال ان کا نام ہائی پروفائل پورنوگرافی کیس میں سامنے آیا تھا اور ضمانت پر باہر آنے سے پہلے وہ مہینوں تک حراست میں بھی رہے۔

اب اگر ان خبروں کو سچ مان لیا جائے تو ان کی گرفتاری کے بعد پورن کیس میں ان کے مبینہ ملوث ہونے پر فلم بننے والی ہے۔ اور یہی نہیں، شلپا شیٹی خود بھی اس فلم کے پروجیکٹ میں بڑھ چڑھ کر حصہ لیں گی۔  فلم ان تمام باتوں کو پیش کرے گی جس کا تجربہ راج کندرا نے جیل میں کیا تھا۔

ذرائع کے مطابق ہدایت کار کا نام فی الحال خفیہ رکھا گیا ہے، لیکن راج کندرا اس بائیوپک کے تمام پہلوؤں میں تخلیقی طور پر شامل ہوں گے۔

یہ بائیوپک راج کندرا کے پورے سفر کے متعلق ہوگی جس میں الزامات کی پہلی رپورٹس سے لے کر میڈیا رپورٹنگ تک، جیل میں گزارے گئے وقت سے لے کر ضمانت تک۔ یہ راج کندرا اور ان کے خاندان کے نقطہ نظر سے ایک کہانی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں