انگلینڈ سے تعلق رکھنے والی گلوکارہ اور نغمہ نگار بروکارڈ جنہوں نے نومبر 2022 میں ایک بھوت سے شادی کی تھی، اب اس سے طلاق لے رہی ہیں۔

میڈیا رپورٹس کے مطابق گلوکارہ نے طلاق کی وجہ بتاتے ہوئے کہا کہ بھوت شادی کے بعد زیادہ سے زیادہ مالکانہ رویہ اختیار کررہا تھا اور گرمجوشی اور نرمی سے اچانک دھمکی آمیز اور خطرناک ہوجاتا تھا۔

گلوکارہ کا دعویٰ ہے کہ بھوت دراصل ایڈوَرڈ نامی  وکٹورین فوجی کا بھوت ہے۔ جس سے وہ پہلی بار اس وقت ملیں جب وہ ایک اندھیری اور طوفانی رات انکے  بیڈروم میں گھُس آیا اور اظہارِ  محبت کیا۔

تاہم بروکارڈ نے کہا کہ شادی کے فوراً بعد ہی ان کےشوہر کے ناقابل قبول رویے نے انہیں غصہ دلانا شروع کردیا۔

 اس کے علاوہ وہ اپنے شوہر کے  آنجہانی اداکارہ مارلن مونرو کے ساتھ شدید حد تک لگاؤ سے بھی پریشان تھیں۔ انہوں نے بتایا کہ ایڈوَرڈ کےمارلن مونرو سے تعلقات اس وقت شروع ہوئے جب انہوں نے اپنی شادی میں اداکارہ کی رو ح دیکھی۔ اس کے کچھ عرصے بعد ان کا  شوہر کئی کئی عرصے تک غائب رہنے لگا اور جب واپس آتا تو چینل نمبر 5  نامی پرفیوم کی خوشبو اس کے پاس سے آرہی ہوتی جو مارلن مونرو کا پسندیدہ پرفیوم تھا۔

گلوکار ہ نے بتایا کہ پھر انہوں نے اپنے شوہر کیلئے حدود قائم کرنا شروع کیں جس پر وہ مشتعل ہو جاتا اور گھر میں ایک بچے کے چیخنے کی آواز سے انہیں ستانا شروع کردیتا۔

بروکارڈ نے بتایا کہ بالآخر وہ اسی چیپل میں واپس آئیں جہاں انہوں نے شادی کی تھی اور انہوں نے  وہاں اپنے شوہر کیخلاف exorcism انجام دیا۔ گلوکارہ نے اپنے نئے گانے ’Just Other Anthem‘ میں بھی شوہر سے علیحدگی کا اعلان کیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں