پاکستان کے معروف اداکار ہمایوں سعید کا کہنا ہے کہ محبت کی کوئی سرحد نہیں ہوتی۔

  حال ہی میں پاکستان کے معروف اداکار ہمایوں سعید نے اپنے انٹرویو میں کہا ہے کہ بدقسمتی سے پاکستانیوں اور بھارتیوں کو ایک دوسرے کے ملک میں سفر کرنے کا ویزا نہیں ملتا۔

  انہوں نے کہا کہ یہ تقریباً ناممکن ہوگیا ہے کہ پاکستانی اور انڈین ایک دوسرے کے ملک کا سفر کرسکیں، یہ درست نہیں ہے، محبت کی کوئی سرحد نہیں ہوتی اور ہمارے سیاستدانوں کو یہ بات سمجھنی چاہیے۔

ہمایوں سعید نے کہا کہ دونوں ملک کے عوام کا لہجہ اور زبان ایک جیسی ہے اور دونوں کے رشتہ دار ہر ملک میں رہتے ہیں چناںچہ ان کے درمیان پابندی نہیں ہونی چاہیے۔

اداکار نے کہا کہ ان کے والد کی پیدائش انڈیا میں ہوئی تھی اور وہ ہمیشہ انڈیا جاکر اپنی جنم بھومی دیکھنا چاہتے تھے لیکن ان کی خواہش پوری نہ ہوسکی اور وہ انتقال کرگئے۔

ہمایوں سعید نے کہا کہ ایشیا کپ 2023 سے دونوں ممالک کے درمیان ویزا حاصل کرنے میں کچھ سہولت پیدا ہوگی جس سے لوگوں کو فائدہ اٹھانا چاہیے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں