ہالی ووڈ فلم ’باربی‘ کو پنجاب کے سنیما گھروں میں ریلیز کرنے کی اجازت دے دی گئی۔
فلم ’باربی‘ کو صوبۂ پنجاب میں ریلیز پر مشکلات کا سامنا تھا لیکن اب 4 متنازع ڈائیلاگز کو سینسر کرنے کی شرط پر ریلیز کی اجازت دے دی گئی ہے۔
پنجاب سینسر بورڈ نے گزشتہ روز ایک بیان میں وضاحت دیتے ہوئے کہا کہ فلم ’باربی‘ پر پابندی نہیں لگائی بلکہ ہم نے صرف ہم جنس پرستی پر مبنی کچھ مواد کی وجہ سے اسے ریلیز سے روکا تھا۔
سینسر بورڈ نے فلم کو ریلیز کی اجازت دینے کے لیے مقامی ڈسٹری بیوٹر سے مطالبہ کیا ہے کہ فلم کے 4 متنازع ڈائیلاگز کو سینسر کیا جائے۔
واضح رہے کہ سینسر بورڈ کی جانب سے متنازع مواد پر اعتراض کے بعد سوشل میڈیا پر یہ افواہیں بھی گردش کرنے لگی تھیں کہ پنجاب میں اس فلم پر پابندی لگا دی گئی ہے۔
Advertisement
سندھ اور اسلام آباد میں یہ فلم پہلے ہی ریلیز ہو چکی ہے اور اب سینسر بورڈ کی طرف سے اجازت ملنے کے بعد پنجاب کے سنیما گھروں میں بھی اس کی اسکریننگ اور بکنگ کا آغاز ہو گیا ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
