زارا نور عباس اپنی اولاد میں کون سی 2 خصوصیات چاہتی ہیں؟

ویب ڈیسک

19th Jul, 2023. 03:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

زارا نور عباس اپنی اولاد میں کون سی 2 خصوصیات چاہتی ہیں؟

پاکستان کی معروف اداکارہ زارا نور عباس کا کہنا ہے کہ انہیں اپنی مستقبل میں ہونے والی اولاد میں شوہرکی کچھ خاص خصوصیات ضرور چاہئیں۔

حال ہی میں اداکارہ نے ایک انٹرویو کے دوران کہا ہے کہ مستقبل میں جب بھی میری اولاد ہو گی، میں یہ چاہوں گی کہ اس کے اندر بالکل اپنے والد جیسی پیاری سی مسکراہٹ ہو اور ایک اچھے سے دل کا مالک بھی ہو۔

انہوں نے کہا کہ گزشتہ برس اپنی اولاد کو کھو دیا تھا جس کے بعد ان کی حالت خراب ہو گئی تھی۔

دوسری جانب اس حوالے سے ان کے شوہر و اداکار اسد صدیقی نے ایک انٹرویو میں کہا کہ اہلیہ کا حمل ضائع نہیں ہوا تھا بلکہ اس نے ایک بچے کو جنم دیا تھا جس کا نام ہم نے اورنگزیب رکھا تھا۔

بدقسمتی سے وہ زیادہ دن زندہ نہ رہ سکا کیونکہ اس کی پیدائش وقت سے پہلے یعنی کہ 6 مہینے میں ہوئی تھی۔ اس میں کوئی شک نہیں کہ بچے کی پیدائش کے وقت عورت کے جسمانی خدوخال میں بہت سی تبدیلیاں ہوتی ہیں بلکہ وہ جذباتی طور پر بھی تبدیل ہو کر مشکلات برادشت کرتی ہیں۔

یہی وجہ ہے کہ اللہ پاک نے خاتون کو مرد سے اعلیٰ درجہ دیا، وہ نئی زندگی کو جنم دینے والی ہوتی ہے۔ اس لیے ان کی اہمیت اور درجہ زیادہ ہے۔