بالی ووڈ کے باصلاھیت اداکار آدتیہ رائے کپور فلم ڈائریکٹر سدھارتھ رائے کپور کے چھوٹے بھائی ہیں اور ویب سیریز دی نائٹ منیجر میں شان سینگپتا کے کردار کے لیے کافی چرچے ہیں۔

حال ہی میں اپنے ایک انٹرویو کے دوران اداکار نے انڈسٹری میں اپنا نام بنانے کے لیے اپنی جدوجہد کے بارے میں بات کی ہے۔

بہت سے اداکاروں کو انٹرٹینمنٹ انڈسٹری میں nepotism کا نشانہ بنایا گیا ہے اور آدتیہ بھی اس سے مستثنیٰ نہیں ہیں کیونکہ وہ بالی ووڈ کے مشہور ہدایت کار سدھارتھ رائے کپور کے بھائی بھی ہیں۔

انٹرویو کے دوران اداکار نے کہا، “مجھے لگتا ہے کہ لوگ جانتے ہیں کہ میں نے انڈسٹری میں ایک طرح سے خود اپنا راستہ بنایا ہے۔ میں نے ان فلموں میں معاون کرداروں سے شروعات کی جن میں میرے بھائی شامل نہیں تھے۔ میرا سفر عوامی رہا ہے۔ لوگوں نے مجھے آہستہ آہستہ ترقی کرتے دیکھا۔ جب میں نے اپنا پہلا مرکزی کردار کیا، تو میں پہلے ہی تین معاون کردار کر چکا تھا۔ اس لیے مجھے لگتا ہے کہ میرا یہ سفر لوگوں کے لیے واضح ہے۔

آدتیہ نے اپنے کیرئیر کے ابتدائی دنوں میں آڈیشن کے دوران ان کو مسترد کئے جانے کے متعلق مزید بات کی۔

ان کا کہنا تھا کہ ان کے بھائیوں نے کوئی کردار حاصل کرنے میں ان کی مدد نہیں کی جس کی وجہ سے انہیں بہت سی مشکلات کا سامنا کرنا پڑا اور ناکامیوں نے انہیں اداکار بننے کے اپنے فیصلے پر دوبارہ غور کرنے پر مجبور کیا۔

انہوں نے مزید کہا، “اگر آپ اداکار بننا چاہتے ہیں، تو میرے خیال میں مسترد ہونا اس عمل کا حصہ ہے۔ بہتر ہے کہ آپ اس کی عادت ڈالیں۔ آڈیشن کے ابتدائی دن بہت زیادہ نہیں تھے لیکن میں بہت ساری چیزوں کے لئے آڈیشن دیتا تھا لیکن ایسا نہیں ہے کہ میں یقینی طور پر جانتا تھا کہ میں ایک اداکار بننا چاہتا ہوں۔ میں آر جے تھا اور میں خوش تھا اور میں واقعی فلموں میں کبھی نہیں آنا چاہتا تھا۔

اداکار نے کہا کہ وہ اپنے ابتدائی آڈیشن کے دنوں میں بطور آر جے کام کر رہے تھے اور یہ کام کر کے بہت خوش تھے۔

انہوں نے کہا، “میں بعض آڈیشنز میں جاتا تھا کیونکہ لوگ مجھے وقتاً فوقتاً فون کرتے تھے۔ اور میں آڈیشن بھی دیتا تھا کیونکہ آپ کو معلوم نہیں ہوتا کہ کون سے مواقع آئیں گے۔ لیکن مجھے نہیں لگتا کہ ان ابتدائی سالوں نے مجھے بہت زیادہ نقصان پہنچایا ہے۔

خیال رہے کہ اداکار اب انوراگ باسو کی آنے والی فلم میٹرو ان ڈینو میں سارہ علی خان کے مدمقابل نظر آئیں گے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں