پاکستان کی معروف اداکارہ ریشم نے اب تک شادی نہ کرنے کی وجہ بتا دی ہے۔

حال ہی میں اداکارہ نے ایک نجی ٹی وی چینل کے شو میں شرکت کی، جہاں میزبان نے ان سے سوال کیا کہ شادی کیلئے مردوں میں کون سی تین باتیں لازمی ہونی چاہئیں؟ اس پر ریشم کا کہنا تھا کہ وفاداری، عزت اور مخلصی، یہ خوبیاں جس مرد میں ہوئیں میں اس سے شادی کرلوں گی۔

شوکے دوران میزبان نے اب تک شادی نہ کرنے کی وجہ پوچھی جس پر اداکارہ ریشم کا کہنا تھا کہ میں واقعی شادی کرنا چاہتی ہوں لیکن مجھے وہ شخص اب تک نہیں ملا جس سے میں شادی کروں اور میرا خیال ہے کہ شادی کیلئے پارٹنر ڈھونڈنے سے نہیں ملتا بلکہ اللہ نے جب کُن کہنا ہے یہ تب ہی ہونا ہے۔

 انہوں نے کہا کہ دنیا میں ہم انسان جن چیزوں کے پیچھے بھاگتے ہیں ہمیں وہ چیزیں کبھی نہیں ملتیں، شریک حیات کے حوالے سے  میری کوئی ڈیمانڈ نہیں ہے۔

ریشم کا کہنا تھا کہ مجھے کوئی سمجھنا نہیں چاہتا، میں کسی سے فون پر بات بھی نہیں کرتی لیکن ہوسکتا ہے اللہ کو میرا بار بار مانگنا اور گڑگڑانا اچھا لگتا ہو۔

اداکارہ ریشم نے کہا کہ انسان 2  طرح کے ہوتے ہیں ایک جن کے ساتھ نہیں رہا جاسکتا اور دوسرے جن کے بغیر نہیں رہ سکتے، مجھے وہ شخص چاہیے جس کے بغیر میں نہ رہ سکوں، شریک حیات کیلئے ہم مزاج اور  ہم خیال ہونا بہت ضروری ہے۔