کورولش عثمان کے دو اہم اداکاروں نے آپس میں شادی کرلی

ویب ڈیسک

10th Jul, 2023. 03:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورولش عثمان کے دو اہم اداکاروں نے آپس میں شادی کرلی

ترک سیریز کورولش عثمان کے دو اہم اداکاروں نے آپس میں شادی کرلی ہے۔

میڈیا رپورٹس کے مطابق ترک سیریز کورولش عثمان میں سپاہی جیرکوتائی اور آئیگُل خاتون کا کردار نبھانے والی اداکارہ بوسے ارسلان اور اداکار جاگری سینسوئے نے شادی کرلی ہے۔

بوسے ارسلان اور اداکار جاگری سینسوئے نے کچھ ماہ قبل منگنی کی تھی—فوٹو: انسٹاگرام/بوسے ارسلان

میڈیا رپورٹس کے مطابق دونوں ڈرامہ کے سیٹ پر ایک دوسرے کی محبت میں گرفتار ہوئے تھے اور اب وہ رشتہ ازدواج میں منسلک ہوگئے جن کی تصاویر دونوں نے اپنے انسٹاگرام اکاؤنٹس پر شیئر کیں۔

شادی میں قریبی رشتے داروں اور دوستوں نے شرکت کی جب کہ کورولش عثمان میں عثمان کا کردار نبھانے والے اداکار براک نے بھی شرکت کی اور تقریب میں رقص بھی کیا۔

واضح رہے کہ اداکارہ بوسے ارسلان نے ترک سیریز کورولش عثمان میں آئیگُل خاتون کا کردار نبھایا اور تین سیزنز میں نظر آئیں۔

دوسری جانب اداکار جاگری سینسوئے نے سیریز میں سپاہی جیرکوتائی کا کردار نبھایا جو پہلے منگولوں کا سپاہی تھا جس نے بعدازاں اسلام قبول کیا اور عثمان کے قریبی ساتھیوں اور سپاہیوں میں شامل ہوگیا۔

دلچسپ بات یہ ہے کہ اس سیریز میں بھی آئیگُل خاتون اور سپاہی جیرکوتائی ایک دوسرے کی محبت میں گرفتار ہونے کے بعد شادی کرلیتے ہیں۔

آئیگُل خاتون کی شہادت کا سین—فوٹو: سوشل میڈیا