پاکستان شوبز انڈسٹری کی معروف اداکارہ میرا کے گھر سے انتہائی افسوسناک خبر آگئی ہے۔

حال ہی میں پاکستان شوبز انڈسٹری کی معروف اداکارہ میرا نے اپنے انسٹاگرام اکاؤنٹ پر بھائی کے ہمراہ چند تصاویر پوسٹ کی ہیں۔

تصاویر کے کیپشن میں اداکارہ نے لکھا ہے کہ میرے بھائی سید حسین عباس کی طبیعت ٹھیک نہیں۔ وہ اس وقت اسپتال میں ہے۔

 انہوں نے لکھا کہ میرا بھائی  بہت ہی مہربان اور شریف انسان ہے، وہ اپنے آس پاس کے لوگوں کے لئے ہمیشہ بہت مددگار رہا ہے۔

اداکارہ نے لکھا کہ حسین عباس پیشے کے لحاظ سے ہیلتھ کیئر پروفیشنل اور فنانشل ایڈوائزر بھی ہیں۔

 معروف اداکارہ میرا نے مداحوں سے دعاؤں کی درخواست کرتے ہوئے لکھا کہ ان کے بھائی کی جلد صحت یابی کے لیے دعا کریں تاکہ وہ جلد از جلد اپنی سماجی خدمات دوبارہ شروع کر سکے۔

اداکارہ نے اپنی دوسری پوسٹ کے ذریعے بتایا کہ میرے بھائی کو آج طبیعت کی ناسازی کے باعث نیشنل اسپتال ڈیفنس لایا  گیا ہے جہاں آرتھو ٹیم نے ان کا چیک اپ کیا۔

 میرا نے ڈاکٹر کا شکریہ ادا کرتے ہوئے لکھا کہ ڈاکٹر رحمت کا خصوصی شکریہ اور  انکے عملے کا بھی جنہوں نے میرے بھائی کو سنبھالا اور میری کونسلنگ میں بہت مدد کی  شکر ہے میرا بھائی ٹھیک ہے اور ڈسچارج کر دیا گیا ہے۔