شاہ رخ خان کی ایکشن اور تھرلر سے بھر پور فلم جوان کی ریلیز میں ابھی ایک ماہ باقی ہے اور اس کے لیے جوش و خروش بھی کافی دیکھا جا رہا ہے۔

اس فلم کا پہلا گانا ‘زندہ بندہ’ گزشتہ ہفتے ریلیز کیا گیا تھا، جس نے آتے ہی دھوم مچا دی،  شاہ رخ خان کی جوان کو 7 ستمبر کو سینما گھروں میں ریلیز کیا جائے گا تاہم اس سے قبل  ٹریلر اور چند مزید گانوں کی نقاب کشائی کی جائے گی۔

بھارتی میڈیا رپورٹس کے مطابق شاہ رخ خان نے اپنی آخری فلم، پٹھان کی ریلیز سے پہلے کوئی انٹرویو نہیں دیا تھا، پھر بھی، یہ اب تک کی بلاک بسٹر فلم ثابت ہوئی،  وہ جوان کے لیے اسی حکمت عملی کو جاری رکھنا چاہتے ہیں۔

ذرائع کے مطابق فلم کی تشہیر کے لئے کچھ پروگراموں کی منصوبہ بندی کی گئی ہے لیکن یہ سوال و جواب کے سیشنز کے بغیر ہوں گے، جیسا کہ آج کل کا معمول ہے۔ تاہم، توقع ہے کہ شاہ رخ خان اپنے مضحکہ خیز اور فکر انگیز اقتباسات سے شو میں  دھوم مچا دیں گے۔

ذرائع کے مطابق ان کے فینز کو پریشان ہونے کی ضرورت نہیں ہے کیونکہ وہ وقتاً فوقتاً ٹوئٹر پر ‘ایس آر کے سے پوچھیں’ لائیو سیشنز کا انعقاد کرتے رہیں گے۔ یہ ایک سپر ہٹ حکمت عملی ہے۔

شاہ رخ خود بھی مداحوں کے سوالات سے گزرنا اور اپنے ٹریڈ مارک کے دلچسپ انداز میں جواب دینا پسند کرتے ہیں۔

واضح رہےکہ شاہ رخ خان کے علاوہ جوان میں نینتھارا، وجے سیتھوپتی، پریمانی، سانیا ملہوترا اور ردھی ڈوگرا بھی ہیں۔

دیپیکا پڈوکون اس ایکشن انٹرٹینر  فلم میں ایک خاص کردار میں ہیں، جسے ایٹلی نے ڈائریکٹ کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں