معروف ڈرامہ سیریز ’ارطغرل غازی‘ میں عبدالرحمٰن الپ کا اہم کردار نبھانے والے ترک اداکار نے76 ویں یومِ آزادی پر پاکستانیوں کے لیے خصوصی پیغام جاری کیا ہے۔

حال ہی میں ترک اداکار جلال آل نے اپنے انسٹاگرام اکاؤنٹ پر ایک ویڈیو پوسٹ کی ہے جس میں انہیں پاکستانیوں کو اردو زبان میں یومِ آزادی کی مبارکباد دیتے دیکھا جاسکتا ہے۔

 اُنہوں نے کہا کہ میں اپنے تمام پاکستانی بہن بھائیوں کو ان کے 76 ویں یوم آزادی پر مبارکباد پیش کرتا ہوں جنہوں نے ماضی سے لے کر ہمارے اچھے اور برے وقت میں ہمیشہ ہمارا ساتھ دیا ہے۔

جلال آل نے قائداعظم کی مغفرت کے لیے دعا کرتے ہوئے کہا کہ اللّٰہ بانیِ پاکستان محمد علی جناح کی مغفرت کرے اور اُنہیں جنت الفردوس میں جگہ دے، آمین۔

اُنہوں نے پاکستان اور ترکیہ کے درمیان دوستانہ تعلقات کے فروغ کے لیے بھی دعا کی۔

اداکار نے اپنے ویڈیو پیغام میں پاکستان کے مشہور ملی نغمے’دل دل پاکستان‘ کے ایک مصرے کو ’دل دل پاکستان جاں جاں ترکیہ ‘ گایا اور آخر میں پاکستان زندہ باد کا نعرہ بھی لگایا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں