بھارتی اداکارہ کنگنا رناوت نے میڈیا رپورٹس کے ذریعے ان کے متعلق منفی تاثر پیدا کرنے پر اپنے خیالات کا اظہار کیا ہے۔

اداکارہ کنگنا رناوت انسٹاگرام اسٹوریز پر گئیں اور ان کے بارے میں ‘خوفناک اور بدنیتی پر مبنی’ میڈیا رپورٹس کے اسکرین شاٹس شیئر کئے جو ان کی فلموں کو ‘فلاپ’ قرار دیتے ہیں۔ اداکارہ نے ان تمام منفی رپورٹس کی مذمت کرتے ہوئے کہا کہ ان کی نام نہاد فلاپ فلموں نے باکس آفس پر واقعی اچھا کام کیا ہے۔

کنگنا نے کہا کہ وہ ‘فلم مافیا’ سے ناراض نہیں ہیں، لیکن انہوں نے پیڈ میڈیا کے ذریعے مسلسل ‘اپنی کردار کشی’ پر سوال اٹھایا۔ کنگنا نے یہ بھی شیئر کیا کہ ان کے ساتھ کام کرنے والے لوگ ان کے بارے میں کیا کہتے ہیں اور میڈیا کے ذریعہ ان کے بارے میں منفی تاثر پیدا کیا گیا ہے۔

کنگنا نے بار بار فلمساز کرن جوہر پر فلم انڈسٹری میں اقربا پروری کی حمایت کرنے کا الزام لگایا اور اپنی سوشل میڈیا پوسٹس اور انٹرویوز میں انہیں فلم مافیا کہہ کر مخاطب کیا۔ اداکارہ اکثر بالی ووڈ پر اپنے خیالات کا اشتراک کرنے کے لئے سوشل میڈیا کا سہارا لیتی ہیں۔

خیال رہے کہ اداکارہ اپنی ہدایت کاری میں بننے والی فلم ایمرجنسی میں سابق وزیر اعظم اندرا گاندھی کے روپ میں نظر آئیں گی۔ فلم میں کنگنا کے علاوہ انوپم کھیر، ماہیما چوہدری، وشاک نائر اور شریاس تلپڑے بھی نمایاں کردار ادا کر رہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں