پاکستان شوبز انڈسٹری کی معروف اداکارہ ماہرہ خان کی دوسری شادی کی خبروں پر ان کی منیجر کا ردِعمل سامنے آگیا ہے۔

کچھ روز قبل ماہرہ خان کی دوسری شادی کی خبریں ایک بار پھر سے سوشل میڈیا پر گردش کرنے لگی تھیں۔

اس حوالے سے سوشل میڈیا پیجز پر دعویٰ کیا گیا تھا کہ ماہرہ خان کی شادی کی تقریب کا اگلے ماہ ستمبر میں پنجاب کے معروف ہل اسٹیشن پر انعقاد کیا جائے گا۔

ان خبروں میں یہ دعویٰ  بھی کیا گیا کہ اداکارہ کی دوسری شادی کی تقریب میں قریبی رشتے دار اور دوست احباب بھی شرکت کریں گے۔

تاہم جب ان خبروں کی تصدیق یا تردید کے لیے اداکارہ کی منیجر انوشے طلحہٰ خان سے رابطہ کیا تو اُنہوں نے ماہرہ خان کی دوسری شادی کے بارے میں سوشل میڈیا پر پھیلی خبروں کو ’غیر ذمے دارانہ صحافت‘ قرار دے دیا۔

اُنہوں نے کہا کہ اداکارہ کی دوسری شادی سے متعلق خبریں اہل خانہ یا ٹیم کے ارکان میں سے کسی سے بھی کوئی باقاعدہ بیان لیے بغیر شائع کی گئی ہیں۔

یاد رہے کہ یہ پہلا موقع نہیں ہے جب اداکارہ کی شادی کی خبریں سوشل میڈیا پر گردش کر رہی ہیں بلکہ چار سال قبل بھی ماہرہ خان اور سلیم کریم کی ترکی میں منگنی کی خبریں سامنے آئی تھیں۔

تاہم بعدازاں اس حوالے سے ماہرہ خان نے وضاحت پیش کرتے ہوئے گردشی خبروں کی تردید کردی تھی۔

واضح رہے کہ ماہر ہ خان کی پہلی شادی 2007 میں علی عسکری کے ساتھ ہوئی تھی جو 2015 میں علیحدگی پر ختم ہوئی، اداکارہ کا پہلی شادی سے ایک بیٹا بھی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں