خاتون کی باربی ڈولز کا شاندار مجموعہ 30 سال پر محیط ہے اور اس میں نایاب  قسم کی گڑیاں بھی موجود ہیں۔

جب آپ چھوٹے تھے تو کیا آپ کے پاس باربی ڈولز کی کلیکشن تھی؟ ہوسکتا ہے کہ آپ کے پاس تین، پانچ، یا دس ڈولز ہوں،لیکن آج ہم آپ کی ملاقات ڈورفمین نامی ایک ایسی خاتون سے کروارہے ہیں ، جن کے پاس حیرت انگیز طور پر 18,500 گڑیوں کا مجموعہ ہے۔

باربی سے محبت  کی وجہ سے انہوں نے باربی ڈولز کے سب سے بڑے مجموعے کا گنیز ورلڈ ریکارڈ  بھی اپنے نام کر لیا ، یہ اعزاز اس کے پاس 2005 سے ہے۔

ویڈیو دیکھیں:

ڈورفمین 30 سال سے باربی ڈول جمع کر رہی ہے، انہیں  1966 میں پانچ سال کی عمر میں پہلی گڑیا ملی تھی۔ اس کے مجموعے میں بہت سی نایاب گڑیا شامل ہیں، جن میں نایاب1959 کی باربیوں میں سے ایک ہے۔

گڑیا جمع کرنے کے علاوہ، ڈورفمین باربی کے بارے میں کتابیں بھی لکھتی ہیں اور ان کا ایک “گڑیا ہسپتال” ہے جہاں وہ دوسروں کے لیے گڑیا مرمت کرتی ہے۔ انہوں نے 90 کی دہائی میں گڑیوں کی مرمت شروع کی۔

گنیز ورلڈ ریکارڈز نے حال ہی میں فیس بک پر ایک ویڈیو شیئر کی ہے جس میں ڈورفمین کے کلیکشن کو دکھایا گیا ہے، جس کے کیپشن کے ساتھ لکھا ہے، “بیٹینا گزشتہ 30 سالوں سے باربی ڈولز کو اکٹھا کر رہی ہیں!”