بھارتی اداکارہ امیشا پٹیل کا کہنا ہے کہ ’’یہ ہے جلوہ‘‘ فلم سلمان خان کے ہٹ اینڈ رن کیس کی وجہ سے ناکام ہوگئی تھی۔

حال ہی میں بھارتی اداکارہ امیشا پٹیل نے فلم ’’یہ ہے جلوہ‘‘ کی ناکامی کی وجہ بتاتے ہوئے کہا کہ یہ فلم ان کے ساتھی اداکار سلمان خان کے ہٹ اینڈ رن کیس کی وجہ سے ناکام ہوگئی تھی۔

انہوں نے کہا کہ یہ فلم لوگوں کی توجہ حاصل کرنے میں ناکام رہی تھی جس کی ایک اہم وجہ سلمان خان کا کیس تھا جو ان دنوں میڈیا کی توجہ کا مرکز بنا ہوا تھا۔

یہ بھی پڑھیں: امیشا پٹیل نے ہریتک روشن کے کیرئیر سے متعلق بڑا انکشاف کرکے ہلچل مچادی

ان کا کہنا تھا کہ یہ فلم ڈیوڈ دھون کی بہترین فلموں میں سے ایک تھی اور اس کی موسیقی سمیت ہر چیز بہت زبردست تھی۔

انہوں نے مزید کہا کہ ان دنوں سلمان خان کے حوالے سے منفی خبروں کی وجہ سے یہ فلم ناکام ہوئی کیونکہ لوگ اپنے سپر اسٹار کو ایسے دیکھ کر بہت حیران تھے۔

واضح رہے کہ ’’یہ ہے جلوہ‘‘ فلم 3 جولائی 2002 کو ریلیز کی گئی تھی جب کہ لاپرواہی سے گاڑی چلانے کے الزام میں سلمان خان کو 28 ستمبر 2002 کو گرفتار کیا گیا تھا۔

خیال رہے کہ امیشا پٹیل حال ہی میں انیل شرما کی ہدایت کاری میں بننے والی فلم ’’گدر 2‘‘ میں جلوہ گر ہوئی ہیں جس نے باکس آفس پر دھوم مچا رکھی ہے۔

اس فلم میں انہوں نے سکینہ کا کردار ادا کیا ہے جو تارا سنگھ یعنی سنی دیول کی محبت میں گرفتار ہوکر پاکستان سے بھارت چلی جاتی ہیں۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں