پاکستان کے معروف گلوکار کیفی خلیل کے گانے ’کہانی سنو‘ نے نئی تاریخ رقم کردی ہے۔

حال ہی میں پاکستان کے معروف گلوکار کیفی خلیل نے امریکا کی مختلف ریاستوں میں کنسرٹس کے دوران براہ راست پرفارمنس دے کر مداحوں کی روحوں کو گرما دیا۔

 انہیں یہ موقع امریکا میں مقیم پروموٹر ریحان صدیقی اور بزنس مین حسن شیخ کے تعاون سے حاصل ہوا۔

ان کے پروموٹر حسن شیخ کا کہنا ہے کہ میں انہیں جہاں بھی لیکر گیا وہاں ان کے نغمے عوام کے ہونٹوں سے بلاارادہ نکلتے دکھائے دیئے اور اس سحرزدہ ماحول کے وہ خود چشم دید گواہ ہیں۔

نیشنل پروموٹر ریحان صدیقی کا کہنا ہے کہ پاکستان میں میوزک انڈسٹری میں حائل رکاوٹوں کے باوجود، کیفی خلیل نے اپنی جگہ بنائی وہ گلوکاری کے ساتھ ساتھ، موسیقار اور ہونہار نغمہ نگار بھی بنا اور اپنی صلاحیتوں کا لوہا امریکا میں بھی منوایا۔ موسیقی سے محبت کے اس شوق کو جس غیر متزلزل طریقے سے انہوں نے جاری رکھا اور جو کہانی انہوں نے سنائی وہ یہاں بیٹھے ہر شخص کی کہانی ہے اور اب یہ گھر گھر کی کہانی بن گئی ہے۔

ریحان صدیقی کہنا ہے کہ لیاری سے پاکستان اور پھر دنیا بھر میں ان کی آواز کو جس نے بھی سنا وہ ان کا گرویدہ ہوگیا اور اب انہیں امریکا بھر میں بھی وسیع پیمانے پر پذیرائی ملی ہے۔

گلوکار کیفی خلیل کا کہنا ہے کہ امریکا بھر میں انہیں جو عزت مداحوں نے دی، اس پر وہ ان کے شکرگزار ہیں۔

 انہوں نے نیشنل پروموٹر ریحان صدیقی اور حسن شیخ کا شکریہ بھی ادا کیا جن کی کاوشوں سے امریکا بھر میں ان کے کنسرٹ منعقد ہوئے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں